Мақсұт Жылысбаев

Уикипедия — ашық энциклопедиясынан алынған мәлімет
Навигацияға өту Іздеуге өту

Мақсұт Жылысбаев (1894, бұрынғы Әулиеата уезі, Аспара болысының №7 ауылы – 26.2.1938, Алматы маңы) – қоғам қайраткері.

Қысқаша мәлімет[өңдеу | қайнарын өңдеу]

  • 1911–13 жылдары Меркедегі орыс-қазақ мектебінде
  • 1913–15 жылдары Пішпектегі ауыл шаруашылығы техникумында Т.Рысқұлов, Қ.Сарымолдаевтармен бірге оқыған.
  • 1915 жылы Меркеде учаскелік агроном болып жұмыс істеген.
  • 1916 жылы Меркедегі батыр Ақкөз Қосанұлы бастаған ұлт-азаттық көтерілісіне қатысты.
  • 1917 жылы Рысқұловпен бірге Қырғыз (қазақ) жастарының революциялық одағын құруға ат салысты.
  • 1919–21 жылдары Әулиеата уездік төтенше комиссия төрағасы болып сайланды.
  • 1921–22 жылдары Сырдария болыстық жер ш. бөлімі бастығының орынбасары
  • 1922–24 жылдары Түркістан Республикасы ОАК төрағасының орынбасары
  • 1924–27 жылдары Қазақ АКСР-і сауда халкомының орынбасары болған.
  • 1927–29 жылдары Астрахань облысының Қазақстанға қосылуына байланысты туындаған бірқатар таласты мәселелерді (Қазақ АКСР-і құрылған кезде халық санағының дұрыс жүргізілмеуіне, Астраханьның Қазақстанға қосылмауы заңсыз деп танылуына қатысты, тағы басқа) тексеруге Астраханьға жіберілді. Бірақ бұл мәселе Ресейдің пайдасына шешілді.
  • 1929 жылы Талдықорған облысы Ақсу ауданы, 1930 жылы Мерке ауданы партия комитетінің 1-хатшысы болған.
  • 1934–37 жылдары Алматыда ішкі істер органдарында басшы қызметтер атқарған.
  • 1937 жылы “халық жауы” деген жалған жаламен қамауға алынып, ату жазасына кесілді.
  • 1961 жылы 22 тамызда КСРО Жоғарғы соты әскери алқасының шешімімен ақталды.
  • Тараз қаласы мен Мерке ауданы орталығындағы көшелерге Жылысбаев есімі берілген.[1]

Дереккөздер[өңдеу | қайнарын өңдеу]

  1. “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9