Мақтанторғай

Уикипедия жобасынан алынған мәлімет
Мұнда ауысу: шарлау, іздеу
Мақтанторғай

Мақтанторғай , сандуғашторғай (Sylvііdae) — торғайтәрізділер отрядына жататын сайрағыш құстар тұқымдасы. Қазақстанның барлық жерлерінде кездесетін 10 туысы, 40-тан астам түрі бар. Бұлардың қанатының ұзындығы 50 — 70 мм, салмағы 6 — 30 г-дай. Араларындағы ең ірісі — қаршыға реңді сандуғаш, оның қанатының ұзындығы 180 мм, салмағы 15 — 70 г-дай. мақтанторғайлардың арқасы сұрғылт, қоңырқай не жасыл тартқан, кейде шұбар болады. Орманда,ағаш, бұта, қамыс арасында, бұта аралас бітік шалғында мекендейді. Жұбымен қоныстанады. Жылына 2 рет: көктемде, күзде жұмыртқалағаннан кейін түлейді. Ұясының беті ашық, не шар тәрізді етіп, жерге, бұта, ағаш, қамыс, шөп арасына салады, оның бүйірінде кіріп-шығатын аузы болады. Ұясына мамыр — шілдеде 4 — 8 шұбар, кейде ақ жұмыртқа салады, оларды мекиені мен қоразы кезектесіп басады. Балапандарын да екеулеп қоректендіреді. Олар маусым — тамызда ұядан ұшады. Солтүстікте мекендейтін түрлері — жыл құстары, оңтүстіктегілері қоныс ауыстырып отырады, тауда мекендейтіндері қысқа қарай тау етегі мен жазық жерге қарай ығысады. мақтанторғайлар, негізінен, ұсақ жәндіктермен және олардың дернәсілдерімен, кейде өсімдіктердің жидектерімен де қоректенеді. Өсімдік зиянкестерін құртып пайда келтіреді.

[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VI том