Қазақстан Республикасының әнұраны

Әнұран - (гр. hymnos - мадақ ән) - Отанды, Атамекенді, мемлекетті, тарихи оқиғалар мен олардың батырларын мадақтайтын поэтикалық-музыкалық шығарма, мемлекеттің негізгі рәміздерінің бірі. Әнүранның бірнеше түрлері болады: әскери, діни, төңкерістік және т.б. Оның әуені де, сөзі де рух көтеретін салтанатты, үлкен мақсаттарға жетелейтін мәтіні болу керек.

Кейбір күрделі онера, балет, симфония, хорлар соңы әнұран сипатында аяқталады. Мысалы орыс композиторы М.Глинка "Иван Сусанин" операсын атақты "Даңқ" хорымен бітіреді.

Қазақ КСР-ң әнұраны

Кеңестік дәуірде 1945 жылы бекітілген Қазақстан әнұранының сөзі коммунистік идеология талабына сай, жалған оптимистік рухта жазылған.^[1].

Қазақстан Республикасының жаңа әнұраны

Менің Қазақстаным
Әнұранның мәтіні және ноталары.
Мемлекеттік Әнұраны	Қазақстан
Сөзі	Жұмекен Нәжімеденов, Нұрсұлтан Назарбаев
Сазы	Шәмші Қалдаяқов
Қабылданғыны	2006
Менің Қазақстаным[2] (?)

2006 жылы 7 қаңтарда халық санасына сіңіп, жүрегіне жылы ұялаған Шәмші Қалдаяқовтың әніне, Жұмекен Нәжімеденовтің сөзіне жазылған "Менің Қазақстаным" әні әнұран болып бекітілді. Ол алғаш рет Елбасын ұлықтау рәсімі кезінде орындалды.

Әнұран

Алтын күн аспаны, Алтын дән даласы, Ерліктің дастаны, Еліме қарашы! Ежелден ер деген, Даңқымыз шықты ғой. Намысын бермеген, Қазағым мықты ғой! Қайырмасы: Менің елім, менің елім, Гүлің болып егілемін, Жырың болып төгілемін, елім! Туған жерім менің — Қазақстаным! Ұрпаққа жол ашқан, Кең байтақ жерім бар. Бірлігі жарасқан, Тәуелсіз елім бар. Қарсы алған уақытты, Мәңгілік досыңдай. Біздің ел бақытты, Біздің ел осындай! Қайырмасы: Менің елім, менің елім, Гүлің болып егілемін, Жырың болып төгілемін, елім! Туған жерім менің — Қазақстаным!