Механикалық байланыс

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Механикалық байланысмеханикалық жүйенің орнына (координаттарына) немесе қозғалысына қойылатын шектеу.

1. жүйеге түсірілген күштерге және алғы шарттарға байналаныссыз жүйе нүктелері қозғалысының (координатасы және жылдамдығы) шектелуі;
2. механикалық жүйеге түсірілген әр түрлі күштер әсерінде оның нүктелерінің орны мен жылдамдығына қойылатын шектеулер. Механикалық байланыстар қандай да бір дененің әсерінен болады. Мысалы: ілінген жіп не шыбықтар механизм звеноларын косатын топсалар, подшипниктер.[1]

Әдетте, Механикалық байланыс басқа бір дененің көмегімен жүзеге асырылады. Мысалы, Механикалық байланысқа дене сырғанайтын немесе дөңгелейтін бет, жүк ілінген жіп, механизмдердің буындарын жалғайтын шарнирлер, т.б. жатады. Механикалық жүйенің кеңістіктегі орнына (координаттарына) шектеу қоятын және

f (…, хR, уR, zR, …, t)=0 

теңдеулерімен (R=1,2, …, n, мұндағы n – жүйе нүктелерінің саны) өрнектелетін Механикалық байланысты геометриялық байланыс деп атайды. Егер Механикалық байланыс жүйенің координаттарымен қатар жылдамдықтарын да шектесе және ол жүйенің қозғалысы

(…, хR, уR, zR, …, хR, уR, zR, …, t)=0 

теңдеулерімен сипатталса, ондай байланыс кинематикалық байланыс деп аталады.[2][3]

Пайдаланған әдебиет[өңдеу]

  1. Орысша-қазақша түсіндірме сөздік: Механика / Жалпы редакциясын басқарған э.ғ.д., профессор Е. Арын - Павлодар : «ЭКО»ҒӨФ. 2007.-29 1 б. ISBN 9965-08-234-0
  2. Қазақ Энциклопедиясы
  3. Орысша-қазақша түсіндірме сөздік: Физика / Жалпы редакциясын басқарған э.ғ.д,, профессор Е. Арын – Павлодар: С. Торайғыров атындағы Павлодар мемлекеттік университеті, 2006. ISBN 9965-808-88-0