Мидхат-паша

Мидхат-паша.

Мидхат-паша (Mіdhat Pasa) Ахмет [18.10.1822, Стамбұл – 10.4.1883, (кей деректерде 8.5.1884), Таиф] – түріктің мемлекет қайраткері. Дунай (1864 – 68) және Бағдад (1869 – 72) уәлаяттарында генерал-губернатор, ұлы уәзір (1872), 1876 – 77), т.б. маңызды әкімшімшілік қызметтер атқарған. Бағынышты елдерге түрік үстемдігін сақтай отырып, Осман империясының эконномикасы, саяси және мәдени артта қалушылығын жою бағытында реформалар жүргізуге тырысты. “Жаңа османдар” қозғалысына қатысып, бірінші түрік конституциясының (23 желтоқсан, 1876) жариялануына қол жеткізді. Бірақ 1877 ж. ақпанда Абд ул-Хамид ІІ сұлтанның бұйрығы бойынша Еуропаға жіберілді. 1881 ж. Абд ул-Азиз сұлтанның өліміне (1876) байланысты жалған айып тағылып тұтқындалды, Таифке (Аравия) жер аударылды. Сол жерде Абд ул Хамид ІІ жіберген кісі өлтірушілердің қолынан қаза тапты.^[1]