Мирон, Элевтерлік Мирон

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Мирон, Элевтерлік Мирон — б. э. бұрынғы V ғ. бірінші жартысындағы гректің даңқты мүсіншісі, Фидий мен Поликлеттің ілгері замандасы. Беотияда туған, б. э. бұрынғы V т. бас кезіндегі аса ірі шебер Агеладтың қолында оқыған, Афиныда жұмыс істеген, басқа да грек қалаларына арналған көптеген тапсырмаларды орындаған. Батыл да жаңашыл Мирон шартты архаикалық өнер дәстүрлерінен біржола қол үзіп, қимыл-қозғалысты беруде таңғажайып шеберлікке жетті. Ол жасаған жеңімпаз атлеттер мүсіндері ерекше танымал болды. Мирон мүсіндерінің көбісін қоладан құйды: ол сомдаған «Диск лақтырушы» (Рим, Ұлттық музей), сондай-ақ «Афина мен Марсий» (Афина — Майндағы Франкфурт музейі; Марсий — Рим, Латеран музейі) мүсіндерінің римдік Mәpмap көшірмесі сақталған.[1]

Пайдаланылған әдебиет[өңдеу]

  1. Өнердің ықшам тарихы—Антик өнері — Алматы, «Өнер» баспасы, 1988.—360 бет ISBN 5-89840-030-3