Митоздық айналым

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Митоздық айналым (митотический цикл); (mitoticus cyclus, грек, mitos — жіп, cyclus — қайталау) — жасушаның митоздық бөліну кезеңі мерзімі мен жас жасушаның тіршілік ету мерзімінен тұратын тіршілік айналымы, яғни жасушаның бөліну кезеңінен бастап, келесі бөліну кезеңіне дейінгі тіршілік мерзімі. Митоздық айналым екі кезеңнен: интерфазадан (аралық кезең) және митоздан тұрады. Интерфазада жасушаның бөлінуіне қажетті заттар (протеиндер, РНҚ, ДНҚ т.б.) жинақталып түзіледі және клетканың бөлінуін қамтамасыз ететін центросома центриолі екі еселенеді. Митоз күрделі өзгерістерден өтетін төрт кезеңнен (профаза, метафаза, анафаза, телофаза) тұрады. Нәтижесінде аналық жасуша құрамындағы заттар тең мөлшерде екі жас жасушаға бөлінеді.[1]

Пайдаланған әдебиет[өңдеу]

  1. Биоморфология терминдерінің түсіндірме сөздігі/ - Алматы: "Сөздік-Словарь", 2009. ISBN 9965-822-54-9