Михаил Ларионович Михайлов

Уикипедия — ашық энциклопедиясынан алынған мәлімет
Мұнда ауысу: шарлау, іздеу
A.
Михаил Илларионович Михайлов.

Михаил Ларионович Михайлов (1826 (1829), Орынбор губерниясы — 1865, Забайкалье, Кадка ауылы) — орыс ақыны, жазушы әрі аудармашы. Лақап аты — Михаил Илецкий. Уфа гимназиясында оқып, 1844 жылы Петербург университеттіне оқуға түскен. Алғашқы шығармалары «Иллюстрация» журналында (1845) жариялана бастаған. Кейін Нижний Новгородта әскери қызметте болып, туыңдылары «Москвитянин» журналында шықты. 1852 жылы Петербургқа көшіп келіп, «Современник», «Отечественные запискиде» қызмет істеді. 1956-57 жылы Теңіз министрлігінің тапсырмасы бойынша Оралдан Атырауға дейінгі жерлерге саяхат жасап, әдеби-этнографиялық материалдар жинады, жергілікті балық шаруашылығы мен теңіз ісін зерттеді. Сол кездегі жинаған әдеби-этнографиялық материалдары «Морской сборник» (1859, N 8) журналында «Жайық очерктері» деген атпен жарық көреді. 1861 жылы шет елден оралған соң саяси қызмет бабында ұсталып, Сібірге жер аударылды. Оның көптеген роман-повестері, аудармалары бар.[1]

Дереккөздер[өңдеу]

  1. Батыс Қазақстан облысы. Энциклопедия. — Алматы: «Арыс» баспасы, 2002 ISBN 9965-607-02-8