Мичурин Иван Владимирович

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Мичурин Иван Владимирович [15(27).10.1855, Рязань облысы Пронск ауданыВершина елді мекені – 7.6.1935, Тамбов облысы Мичурин қаласы] – биология, КСРО-да жеміс-жидек дақылдары селекциясының негізін қалаушы, КСРО ҒА-ның құрметті мүшесі, Бүкілодақтық ауыл шаруашылық академиясының шығыс бөлімшесінің (ВАСХНИЛ) акададемиясы (1935). Ол 1899 жылы Рязань қаласының шет жағынан жер (13 га) алып, оған ең құнды өсімдіктерді отырғызды. Мичурин бұл жерде өмірінің соңғы күніне дейін қызмет етті. Мичурин генетика ғылымының (әсіресе, жеміс-жидек дақылдары) дамуына зор үлес қосты. Мичурин өсімдіктердегі тұқым қуалаушылық белгілерін онтогенез заңдылықтарымен және сыртқы жағдайдың әсерімен ұштастыра отырып зерттеп, басымдылық туралы ілімнің негізін жасады. Будандастыруға қажетті ақырғы өнімді (форманы) іріктеу теориясын ұсынды. Соның нәтижесінде будандастырылатын екі өсімдіктің шыққан жері мен олар өсу үшін қажетті қолайлы орта жағдайы неғұрлым алшақ болса, олардан алынған буданның жаңа орта жағдайына бейімделуі соғырлым оңай болатынын дәлелдеді. Мичурин шығарған жеміс-жидек, алманың 300-ден артық сорттары (алманың: Славянка, Бельфлер-қытай, т.б., алмұрттың: мичуриндік қысқы Бере, т.б.) белгілі. Ол Ленин, Еңбек Қызыл Ту орденімен марапатталған.

[1]

Сілтемелер[өңдеу]

Дереккөздер[өңдеу]

  1. Соч., 2 изд., т. 1 – 4, М., 1948; Итоги шестидесятилетних работ, М., 1950