Молескин
Молески́н (француз тілінің оқу ережесі бойынша; нақтырақ Молески́не, итал. Moleskine) — кеңсе өнімдерін, дәлірек айтса көбіне жазба кітапшаларын өндіруші «Modo & Modo» атты итальяндық компанияның сауда белгісі. «Молескин» сауда белгісіндегі өнімдер дүние жүзінде аса көп таралған және тіпті, осындай түрдегі жазба кітапшаларына жалпы есім ретінде қалыптасып кеткен. Әдеттегі «молескин» өз алдына қара түсті қатты мұқабамен қапталған, созылмалы лентамен жабылатын, ляссе́ бет белгісі және соңында визит карталары үшін қалташасы бар жазба кітапшасы тәріздес. Жазба кітапшаларының айырым ерекшелігі — алғашқы бетінде иесінің атын жазатын орынның болуы.
Тарихы[өңдеу | қайнарын өңдеу]
Францияның Тур қаласында жасалған Молескинге ұқсас жазба кітапшаларын Жан-Поль Сартр, Пабло Пикассо, А.С. Куракин, Винсент Ван Гог, Гийом Аполлинер, Анри Матисс, Гертруда Стайн, Эрнест Хемингуэй сияқты өнер адамдары қолданған. Бұл фабриканың жазба кітапшалар сияқты өнімдерін насихаттаушысы — саяхатшы әрі жазушы Брюс Чатвин болған.[1]
Турда орналасқан отбасылық мануфактуралық мекеме 1986 жылы жабылып қалады. Дегенмен, бір топ италиялық суретшілердің күшімен 90-шы жылдардың соңына қарай «Модо энд Модо» (Modo & Modo) мекемесі ашылып, «Молескин» сауда белгісі тіркеледі. Ал 2007 жылдың 1 қаңтарынан бастап «Moleskine» тек қана сауда бренді ғана болып қоймай, Moleskine Srl компаниясының атына да айналады. Әдепкі қара мұқабалы жазба кітапшаларынан бөлек Молескин топтамасы, Ван Гогтың хроматикалық гүлдерімен көркемделген реңсіз әрі ашық түсті жазба кітапшаларын қамтиды. Сазгерлерге арналған ноталық қалыптағы, тілшілер мен сценарий жазушыларына арналған кадр өлшемімен көмкерілген, тіпті қалта альбомы және қарапайым жазба кітапшасы, барлығын қосқанда жиырмадан астам түрдегі Молескиндер баршылық.[1]
Компания түрлі сызықталған әрі сызықталмаған жазба және телефон кітапшаларын, сурет салуға, сызуға, ноталарды жазуға арналған жазба кітапшаларын, репортёрлерге және де басқа мамандық иелеріне арналған жазба кітапшаларын өндіреді.
Мәдениеттегі маңызы[өңдеу | қайнарын өңдеу]
Молескин жазба кітапшалары еліктеу нысанына айналды, себебі көптеген өндірушілер өз өнімдерінде бұл жазба кітапшаларында қолданылатын өзіне тән ерекшеліктерді көшіріп алуға тырысады.
Evernote компаниясы осы сауда белгісімен бірлесе отырып жазба кітаптармен жұмыс істеуге арналған қондыртпаны да жасап шығарды[2].
Apple компаниясы өзінің iOS операциялық жүйесіндегі «Жазбалар» қондыртпасының дизайнында аталмыш жазба кітапшаларының элементтерін қолданған.
Сілтемелер[өңдеу | қайнарын өңдеу]
Дереккөздер[өңдеу | қайнарын өңдеу]
- ↑ a b [https://web.archive.org/web/20110209081412/http://www.moleskine.com/moleskine_world/ Мұрағатталған 9 ақпанның 2011 жылы. Мұрағатталған 9 ақпанның 2011 жылы. Мұрағатталған 9 ақпанның 2011 жылы. Мұрағатталған 9 ақпанның 2011 жылы. Мұрағатталған 9 ақпанның 2011 жылы. Мұрағатталған 9 ақпанның 2011 жылы. Moleskine World (ағыл.)]
- ↑ Новый блокнот Evernote Smart Notebook от Moleskine. Басты дереккөзінен мұрағатталған 17 сәуір 2013. Тексерілді, 7 сәуір 2013.
 | Бұл мақаланы Уикипедия сапа талаптарына лайықты болуы үшін уикилендіру қажет. |
 |
Ортаққорда бұған қатысты медиа санаты бар: Moleskine |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |