Мотороллер

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Мотороллер Т-200

Мотороллер[1] (нем. motorroller – мотормен серуендеу, motor – мотор, қозғалтқыш және rollen – қозғау) – мотоциклдің жүргізушіге барынша ыңғайлы болып жасалған түрі. Мотороллердің қозғалтқышы екі тактілі, сыңар цилиндрлі және ол ершіктің астына орнатылған. Дөңгелектері мотоциклдікінен кішілеу болғандықтан тегіс төсеніші жоқ жолдармен жүруі қиынға соғады. Қозғалтқышы ауамен салқындатылады. Көпшілік қозғалтқыштар электрлік стартермен жабдықталған. Мотороллер сағатына 70 – 95 км жылдамдықпен жүре алады. 100 километрге 2 л бензин шығындалады. Оның 100 – 150 кг жүк тасымалдайтын 3 дөңгелекті түрлері бар.[2]

Мотороллер - автомобиль типті жүргізуші отыратын орындығы бар, пішіні дамыған және кішірейтілген дөңгелекті мотоцикл.

  • Жүк мотороллері - үш доңғалақты мотороллер, артында платформасы немесе жүк таситын шанақ-фургоны бар.
  • Жарыс мотороллері - жылдамдықты жарыс үшін арнайы жобаланған мотоцикл.
  • Екіколеялы мотороллер - бүйір тіркемесі бар жүк немесе адамдар тасымалдайтын мотоцикл.
  • Жол-жарыс мотороллері - таулы айналмалы-шоссе жарыстарына арналған жарыс мотоциклі.
  • Жол мотороллері - бір-екі-ұш адамды жаппы қолданылатын жолмен тасымалдауға арналған мотороллер.
  • Кросстық мотороллер - соқпақ жерлерде жарысуға арналған спорттық мотоцикл.
  • Жеңіл мотороллер - жұмыс көлемі 50, 75,100, 125, 175 см3 қозғағышы бар мотоцикл.
  • Рекордттық мотороллер - қысқа қашықта жылдамдық рекордын жасауға арналған (мысалы, жүрістен 1 км немесе 1 миль) және жарыстарда қатысуға арналмаған жарыс мотоциклі.
  • Арнайы мотороллер - арнайы функция атқару үшін қосымша құралдары бар (өрт, санитарлық) мотоцикл.
  • Спорттық мотороллер - жеңілдетілген, жарық және дабыл жүйесі жоқ, үлкен жылдамдықты мотоцикл.
  • Орташа мотороллер - жұмыс көлемі 250 ж/е 350 см3 қозғағышы бар мотороллер.
  • Тректік мотороллер - тректе немесе мотодромда тректік жарысқа арналған жарыс мотоциклі.
  • Ауыр мотороллер - жұмыс көлемі 500, 650, 750, 1000,1200 см3 қозғағышы бар мотоцикл.[3]

Дереккөздер[өңдеу]

  1. “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9
  2. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9
  3. Орысша-қазақша түсіндірме жалпы сөздік: Көлік / профессор Е. Арын — Павлодар : «ЭКО» ҒӨФ. 2006.