Нанайлар

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Нанайлар [1]нанай, нани (өз атаулары “жергілікті”, “осы жердің адамы”), гольдтер (ескірген атауы) – Ресей Федерациясындағы халық.

Толығырақ[өңдеу]

Қиыр ШығыстаАмур [2] өзенінің төменгі ағысы мен Уссури өзенінің оң салалары бойын мекендейді. Ресейдегі жалпы саны – 10,5 мың адам (2000). Шағын бөлігі – хэчжэ (2 мыңдай) Қытайда (Сунгари мен Уссури өзендерінің аралығында) тұрады. Солтүстік азиялық нәсілдің байкал типіне жатады. Алтай [3] тіл шоғырының тұңғұс-маньчжур тобындағы нанай тілінде сөйлейді. Жазуы кириллица негізінде. Тұңғыс тайпаларының бірігуі нәтижесінде қалыптасқан. Дәстүрлі кәсіптері – балық аулау мен аңшылық (қыста қымбат бағалы аң терілерін әзірлеу). Шанаға жегу мақсатында иттер асырайды. Дәстүрлі қолөнерінің ішінде ұсталық өнер жақсы дамыған. Еркектер металдан ағаш пен сүйектен бұйымдар жасаса, әйелдер тері өңдеп, киім, аяқкиім тігіп, себеттер мен төсеніштер тоқиды. Үйлері бөренелерден салынып, төбесі екі жақты сырғыма шатырмен жабылады, жылытылатын сәкілері болады. Негізгі тағамдары – балық. Нанайлар 19 ғ-дың 2-жартысында православие дініне күшпен енгізілсе де, жергілікті діни наным-сенімдер (рухтарға табыну, бақсылық, т.б.) жақсы сақталған. Көптеген нанайлар өнеркәсіп орындарында, қызмет көрсету саларында жұмыс істейді, қалаларда тұрады.

Сілтемелер[өңдеу]

Пайдаланылған әдебиеттер[өңдеу]

  1. Қазақ Энциклопедиясы"Қазақ Энциклопедиясы", 6 том
  2. Сем Ю.А., Нанайцы. Материальная культура (2-пол. XІX – XX в.), Владивосток, 1973
  3. Народы мира, историко-этнографический справочник, М., 1988