Нармонданақ мұнай кен орны
Нармонданақ мұнай кен орны — Каспий маңы ойысының оңтүстік-шығыс ернеуі өңіріндегі мұнай кен орны. 1935 жылы ашылған.
Географиялық орны[өңдеу | қайнарын өңдеу]
Атырау облысында, Доссор станциясының оңтүстік-шығысында 70 км жерде орналасқан.
Геологиялық құрылымы[өңдеу | қайнарын өңдеу]
Тектоникалық тұрғыдан алғанда кен орын үш қанатты тұзкүмбезді құрылымнан орын алған. Төменгі бордың аптнеоком жікқабаттарын қамитын қатпардың оңтүстік қанатында мұнайлы горизонт айқындалды.
Жатыс сипаты[өңдеу | қайнарын өңдеу]
Жатыс тереңдіктері 191-346 м, биіктігі 17-27 м. Су-мұнай жапсары -227, -397 м-лік белгілерде. Жатын қойнауқаттық, тектоникалық тұрғыдан қалқаланған. Өнімді қатқабат терригендік таужыныстардан құрылған, жинауыштары кеуекті.
Қанығу сипаты[өңдеу | қайнарын өңдеу]
Мұнайға қаныққан қалыңдығы 8,2 м, газга қаныққан қалыңдығы 6,3 м, жинауыштардың ашық кеуектілігі 30%, жатынының өтімділігі 0,- 265 мкм2. Мұнайға, газға қанығу коэффициенттері 0,8. Мұнайы аз күкіртті (0,36%), аз парафинді (0,51 г/см3). Жатындардың жұмыс режимі суарынды. Хлоркальцийлі қойнауқат суының тығыздығы 1106 кг/м3, минералдылығы 142 г/л. Кен орын 1943 жылдан игерілуде.[1]
Дереккөздер[өңдеу | қайнарын өңдеу]
- ↑ Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |