Нағыз кесірткелер[1] (лат. Lacertidae) – кесірткелер отряд тармағының тұқымдасы. Бұлар ашық алаңқай жерлерде, орман алқаптарында құрғақ далалы, шөлейтті және шөлді аймақтарда тіршілік етуге бейімделген. Тек тірі туатын кесіртке (L. vіvapara ) ғана солтүстік ылғалды орман алқаптарында кеңінен тараған. Олардың көпшілік түрі жылдың 6 – 7 айында белсенді тіршілік етеді. Жылына 1, кейде 2 рет ( 2 – 5 жұмыртқа салып) көбейеді. Нағыз кесірткелер жәндіктермен, өрмекшітәрізділермен және олардың дернәсілдерімен қоректенеді. Көпшілігі зиянды жәндіктерді жеп, ауыл шаруашылығына пайда келтіреді. Нағыз кесірткелердің Қазақстанда 11 түрі кездеседі. Соның ішінде 2 түрі (Үлкен көз кесіртке мен Шұбар кесіртке) Қазақстанның “Қызыл кітабына” енгізілген (1996).
Пайдаланған әдебиет [өңдеу]
- ↑ "Қазақ Энциклопедиясы", 6 том
