Негрлер

Негрлер(француздың nеgre, испанның negro, латынның neger – қара деген сөзінен) – экватор нәсілді халықтардың жалпы атауы. 1) Тропиктік және Оңтүстік Африканың жергілікті халықтары. Бұларға Африкадағы көптеген тілдерде сөйлейтін алуан түрлі халықтар мен тайпалар: банту, гур, атлантикалықтар, нилоттар, т.б. жатады. Жалпы саны 230 миллион адамнан астам (2004); 2) Америкадағы Негрлер– 16 – 19 ғасырларда Африкадан еріксіз әкелінген, ақ нәсілдермен едәуір, жергілікті үндістермен ішінара араласқан, ағылшын, португал, испан, француз, голланд тілді түрлі тайпалардың ұрпақтары. Жалпы саны 110 миллион адамға жуық (оның 2/3-сі мулаттар), мұның ішінде 25 млн-ға жуығы АҚШ-та, 28 миллионға тарта адам Бразилияда тұрады. Негрлердің көбі Кариб таулы алқабына шоғырланған. Гаитиде, Ямайкада, Гайанада, Суринамда жеке халық болып қалыптасқан. Басқа елдердегі Негрлер сол елдің негізгі халықтарының құрамына кіреді. ^[1]