Нигер (өзен)

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Нигер арқылы Бамакоға өтетін көпір
Геродот бойынша Нигер Нілдің құрамдас бөлігі болған.

Нигер (Nіger) – Батыс Африкадағы өзен; алабы мен ұзындығы жөнінен Конго мен Нілден кейін үшінші орында. Гвинея, Мали, Нигер, Нигерия мемлекеттерінің аумағы арқылы ағып өтеді.

Қысқаша мәлімет

Ұзындағы 4160 км, алабының аумағы 2,1 млн. км². Жылдық орташа су ағымы 12000 м³/с. Солтүстік Гвинея қыратынан басталып, Атлант мұхитындағы Гвинея шығанағына атырау жасап құяды. Басты салалары: Бани (оң), Сокото, Кадуна және Бенуэ (сол). Жоғары және төменгі ағысы тұсында жауын-шашын мол, орта ағысы климаты құрғақ аймақта. Өзенде Каинджи СЭС-і мен бөген салынған. Жеке бөліктерінде кеме жүзеді. Балық ауланады. Сахарамен іргелес өңірде кең көлемде жер суаруға пайдаланылады.

Порттары және қалалары

Нигер бойындағы ірі қалалар: Куруса, Бамако, Томбукту, Ниамей, Джебба, Локоджа. Атырауында Порт-Харкорт теңіз порты бар.[1]

Сілтемелер

Дереккөздер

  1. Қазақ Энциклопедиясы, 7 том 2 бөлім