Нубия
Нубия (ежелгі египетше Куш немесе Каш) – Оңт.-Шығыс Африкадағы Ніл өз. алқабында орналасқан ежелгі ел. Н-ның байырғы тұрғындары б.з.б. 4 – 3-мыңжылдықтарда негізінен мал ш-мен айналысқан. Н. туралы алғашқы деректер б.з.б. 3-мыңжылдықтың орта шеніне жатады. Мысыр перғауындары Н-ға толассыз жорықтар жасап, б.з.б. 19 – 15 ғ-ларда бағындырды. Ол мысыр мәдениетінің кеңінен таралуына жағдай жасады. Б.з.б. 11 ғ-да ел қайтадан тәуелсіздік алып, Н. аумағында құл иеленуші Напат мемлекеті құрылды. Б.з.б. 770 ж. Напат патшасы Пианхи Мемфиске дейінгі бүкіл Жоғ. Египетті және Ніл аңғарын бағындырды. Бұл дәуір Египет тарихында 25-Эфиопия әулетінің дәуірі деген атпен танымал. Шамамен б.з.б. 560 ж. астана Напаттан Мероэға көшірілді (Мероит патшалығы). Б.з.б. 23 ж. Солт. Н-ны римдіктер талан-таражға салды. Б.з. 4 ғ-ында Н. жерінің басым көпшілігін Аксум мемлекеті жаулап алды.
 |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
 |
Бұл мақаланы Уикипедия сапа талаптарына лайықты болуы үшін уикилендіру қажет. |
