Нұрикамал Сейітжанқызы Сейітжанова

Уикипедия — ашық энциклопедиясынан алынған мәлімет
Навигацияға өту Іздеуге өту

Нұрикамал Сейітжанқызы Сейітжанова (1949 жылы 12 наурызда Ақмола облысы Державин ауданының Братолюбовка ауылында — сәуір 2021)Қазақ. Арғын тайпасының Қарауыл руынан шыққан. Әкесі - Қалқанов Сейітжан (1911-1998). Анасы - Қалқанова Зұлқия (1923-1993). Целиноград педагогикалық институтының филология факультетін (1972) орыс тілі мен әдебиетінің мұғалімі мамандығы бойынша; КОКП ОК жанындағы қоғамдық ғылымдар академиясын (1987) идеологиялық жұмыстың теориясы мен тәжірибесі мамандығы бойынша бітірген. Қазақ және орыс тілдерін біледі. 1966 жылдан - «Ростовский» кеңшарының жұмысшысы. 1967-1968 жылдары - Целиноград облысы Державин ауданының Баранкөл бастауыш мектебінің бастауыш сынып мұғалімі. 1972 жылдан - Торғай облысы Жаңадала ауданының Нахимов ОМ орыс тілі мен әдебиетінің мұғалімі. 1974 жылдан - Торғай облысы Жаңадала ауданының Баранкөл ОМ орыс тілі мен әдебиетінің мұғалімі және сыныптан тыс жұмысты ұйымдастырушы. 1977 жылдан - Торғай облысының облыстық комсомол комитетінің хатшысы. 1980 жылдан - Торғай облыстық комсомол комитетінің ғылым және оқу орындары бөлімінің нұсқаушысы. 1983 жылдан - Қазақ КСР Компартиясының Торғай облыстық комитетінде ғылым және оқу орындары бөлімінің меңгерушісі. 1988 жылдан - Қазақ КСР Компартиясының Шымкент облыстық комитетінде ғылым және оқу орындары бөлімінің меңгерушісі. 1990 жылдан - Қазақ КСР Компартиясының Торғай облыстық комитетінде идеология бөлімінің меңгерушісі. 1991 жылдан - Торғай облыстық атқару комитетінде жастар ісі комитетінің төрайымы. 1993 жылдан - Торғай мәдениет басқармасының бастығы. 1997 жылдан - Қазақстан халқы кіші ассамблеясының атқарушы хатшысы (Астана қаласы). 1998 жылдан - Ақпарат және қоғамдық келісім басқармасының бастығы (Көкшетау қаласы). 2000 жылдан бері - Ақмола облысы Мәдениет басқармасының бастығы. Қазақстанның Еңбек сіңірген қайраткері (2003). Діни көзқарасы - «Экстремистіктен басқа барлық діндерді қолдаймын». Саяси қайраткер арасындағы идеалы - Н.Ә. Назарбаев. Қазақстанның болашағы туралы болжамы - «Қуатты, гүлденген мемлекет». Хоббиі - кіші отандағы сүйікті жерлерге бару. Сүйіп оқитын әдебиеті - тарихи романдар. Тұрмыс құрмаған.[1]

Дереккөздер[өңдеу | қайнарын өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2