Ойыл (өзен)

Басқа мағыналар үшін, Торғай деген бетті қараңыз.

Ойыл
Сипаттамасы
Ұзындығы	800 км
Су алабының ауданы	31 500 км²
Су ағысы
Бастауы	Мұғалжар тауы
· Координаттары	49.533333, 56.849°32′00″ с. е. 56°48′00″ ш. б.49.533333° с. е. 56.8° ш. б.
Сағасы	Каспий маңы ойпаты
· Координаттары	48.583333, 52.46666748°35′00″ с. е. 52°28′00″ ш. б.48.583333° с. е. 52.466667° ш. б.
Орналасуы
Ел	Қазақстан

Ойыл – Жайық алабындағы өзен. Ақтөбе, Атырау және Батыс Қазақстан облыстары жерімен ағады.Ұзындығы 800 км, су жиналатын алабы 31 мың км2, Ақтөбе облысындағы Қандыағаш темір жол станциясының солтүстік-батысында 50 км жерден басталып, Тайсойған құмында (Атырау облысы) бірнеше тармаққа бөлінеді, құмнан өте бірнеше көлге құяды (ертеде Жайық өзеніне құйған). Өзеннің жоғарғы және орта бөлігіндегі аңғары терең сай-жырамен тілімденген, төменгі бөлігі белесті жазықпен ағады. Негізгі арнасының ені 20 – 40 м. Жер асты, жауын-шашын суымен толығады. Көктемде қар суымен өзен деңгейі көтеріледі, минералдылығы азаяды. Жазда иірімдерге бөлініп тұздылығы артады. Басты салалары Ащыойыл, Кенжалы, Қиыл, Қайыңды. Жылдық орташа су ағымы Миялы ауылы тұсында 10,8 м3/с. Жайылмасы – Ақтөбе, Атырау облыстары шаруашылықтарының шабындығы. Суымен егін, мал суарылады. Өзен бойына Миялы, Ойыл, т.б. елді мекендер орналасқан.

Ақтөбе облысындағы Октябрь қаласының солтүстік-батысында 50 км жерден басталып, Тайсойған құмын бірнеше өзекке бөліне басып өтіп, Каспий маңы ойпатындағы Жалтыркөл, Ақтөбе көлдері аралығындағы Қаракөл қонысы тұсында тартылып қалады. Ірі салалары Ащыойыл, Кенжалы, Қайыңды, Қиыл. Наурыз-мамырда тасып, су деңгейі 10 м, одан да жоғары көтеріледі.

Ішкі сілтемелер

• Батыс Қазақстан облысы