Олжас Отар
| Олжас Отар | |
| Олжас Асанкелдіұлы Отар | |
 | |
| Туған күні |
Lua error Module:Wikidata ішіндегі 39 жолында: attempt to concatenate field '?' (a nil value). |
|---|---|
| Азаматтығы | |
| Ұлты | |
| Қызметі |
ақын, салық қызметкері, музыкант |
| Әкесі |
Отар Асангелді |
| Анасы |
Әби Фатима Әбуқызы |
| Жұбайы |
Бегімбаева Әсия |
| Балалары |
Дінмұхамед, Нұрсұлтан, Рамазан |
| Марапаттары мен сыйлықтары |
Тараз қаласы мәслихатының Құрмет грамотасы (2010 ж.), Тараз қаласы әкімінің Құрмет грамотасы (2011 ж.) |
| Блогы | |
Отар Олжас Асангелдіұлы (ағылш. Oljas Otar, 30 мамыр 1977 жыл, Талас ауданы, Жамбыл облысы) - ақын, сазгер, салық қызметкері.
Өмірбаяны[өңдеу | қайнарын өңдеу]
1977 жылы 30 мамырда Жамбыл облысы, Талас ауданының Бостандық ауылында дүниеге келген. 1991 жылдан бастап ақындар айтысына қатысып келеді. Ол 1998 жылы Қызылжар қаласында өткен республикалық айтыста үздік өнер көрсетсе, 2002 жылы студент жастар арасында өткен «Жас толқын» атты республикалық айтыстың І орын иегері. Сондай-ақ, ол 1995 жылы Абай Құнанбаевтың 150 жылдық, 1996 жылы Жамбыл Жабаевтың 150 жылдық, 1997 жылы Мұхтар Әуезовтың 100 жылдық мерейтойларына байланысты өткізілген Жамбыл облыстық ақындар айтыстарының жүлдегері. 2005 жылғы «Жасампаз елдің ертеңі – жастар» атты облыстық жас ақындар айтысында ІІ орынды, 2006 жылы өткен «Желтоқсанды жырлаймын» атты облыстық жас ақындар айтысында ІІІ орынды бағындырған өнерпаз. Айтыстағы жеткен жетістіктеріне байланысты 2005 жылы Қазақстан Республикасы Президентінің квотасына ие болып, Қазақстанның өнер және қоғам қайраткерлерімен бірге Мекке-Мәдинаға умра қажылығына барып қайтқан қажы. 2007 жылы Түркияның Стамбул қаласында өткен ақындар айтысына Қазақстаннан жолдама алған 6 ақынның бірі болып барып, шетелдегі қазақтардың алғысын алып, елге абыроймен оралған айтыс ақыны. Ол салық жүйесіндегі көп жылғы жемісті еңбегі үшін 2007 жылы ҚР Қаржы министрлігі Салық комитеті төрағасының Құрмет грамотасымен, Тараз қаласының әлеуметтік-экономикалық дамуына қосқан елеулі еңбегі үшін 2010 жылы Тараз қаласы мәслихатының Құрмет грамотасымен және 2011 жылы Тараз қаласы әкімінің Құрмет грамотасымен марапатталған азамат. Қазіргі уақытта Қазақстан Республикасы салық басқармасында бас маман болып қызмет атқарады. Үйленген, үш ұл тәрбиелеп өсіруде.[1]
Сыртқы сілтемелер[өңдеу | қайнарын өңдеу]
[1] [2] Мұрағатталған 14 шілденің 2014 жылы.
Дереккөздер[өңдеу | қайнарын өңдеу]
- ↑ BNews.kz Мұрағатталған 14 шілденің 2014 жылы.