Ондатр

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Ондатр
Қазбалық ауқымы: Recent
Ondatra zibethicus FWS.jpg
Амандық күйі
Status iucn3.1 LC.svg
Least Concern (IUCN3.1) [1]
Ғылыми топтастыруы
Дүниесі: Жануарлар
Жамағаты: Хордалылар
Табы: Сүтқоректілер
Сабы: Кеміргіштер
Ұлы тұқымдасы: Muroidea
Тұқымдасы: Cricetidae
Кіші тұқымдасы: Arvicolinae
Тайпасы: Ondatrini
Gray, 1825
Тегі: Ondatra
Link, 1795
Түрі: O. zibethicus
Екі-есімді атауы
Ondatra zibethicus
(Linnaeus, 1766)
Ареал (қызыл - байырғы, жасыл - жерсінген. Оңтүстік Америкадағы жерсінген жерлері көрсетілмеген.)
Ареал (қызыл - байырғы, жасыл - жерсінген. Оңтүстік Америкадағы жерсінген жерлері көрсетілмеген.)

Ондатр (лат. Ondatra zibethicus) – кеміргіштер отрядына жататын терісі бағалы аң. Қорек талғамайды, негізінен су өсімдіктерімен қоректенеді. Жылына 2 – 3 рет көбейіп, 25 – 30-ға дейін ұрпақ бере алады. Көктемде туған жас Ондатрлар шілде – тамыз айларында көбеюге қатыса береді. Олар – туляремия және паратиф ауруын таратушылар. Терісі үшін көп ауланады.[2]

Сипаттамасы[өңдеу]

Дене тұрқы 35 см-дей, құйрығының ұзындығы 28 см-дей, салмағы 1,5 кг-дай. Құрлықта да, суда да тіршілік етеді. Мойны қысқа, артқы аяқтарында жүзу жарғақтары бар. Құйрығы ұзын, жүзген кезде денесін бағыттап отырады. Түгі қалың да тығыз, қою қоңыр кейде қара түсті. Ұйығу кезінде аталықтарының шап безінен мускус (жұпарзат) заты бөлінеді.

Мекені[өңдеу]

Шыққан жері – Солтүстік Америка. Қазақстанға 1935 жылы әкелініп, Сырдария және Іле өзендерінің бойына (570-тей дарабасы) жіберілді. Қазір республиканың барлық өзен-көлдерінде 350 мыңдай Ондатр кездеседі (2005). Бұлар өзен жағасы биік болса, бұраңдата ін қазады, аласа, батпақты келсе, үйшік салады.

Пайдаланған әдебиет[өңдеу]

  1. Linzey, A.V. (2008). Ondatra zibethicus. In: IUCN 2008. IUCN Red List of Threatened Species. Downloaded on 10 Jule 2009. Database entry includes a brief justification of why this species is of least concern.
  2. Қазақ энциклопедиясы, 7 том 6 бөлім