Орифлэйм

Уикипедия — ашық энциклопедиясынан алынған мәлімет
Навигацияға өту Іздеуге өту

«Oriflame Cosmetics S.A.»(айтылуы-Орифлэйм) - бет терісінің күтіміне, жеке гигенаға арналған парфюмерлік және табиғи өсімдіктердің қоспаларынан тұратын декоративтік косметикалар өндіретін косметикалық компания [1].

Штаб-пәтері Люксембургте (сауда филиалы швейцариялық Фрибуреде) орналасқан. Компанияның ресми сайтындағы мәліметтерге қарағанда оның 62 елде өкілі бар. Олардың жартысына жуығы тікелей сатылым индустриясының көшбасшысы саналды. Компания өз өнімдерін халыққа каталогтар бойынша ұсынады. Әрбір каталогтың соңғы беттерінде сапа белгісінің еуропалық деңгейі белгіленген. «Орифлэйм» компаниясы тікелей сатылым элементтері бар, желілік маркетинг әдісімен жұмыс істейді.

Тарихы[өңдеу | қайнарын өңдеу]

1967 жылы ағайынды Йонасо және Роберт аф Йокникадермен олардың досының бірлесуі арқасында компанияның негізі қаланды. Оның атауы Король туы – Орифламманың құрметіне берілген.

Айтулы кезеңдер[өңдеу | қайнарын өңдеу]

  • 1967 жыл–компанияның негізі Швецияда қаланған.
  • 1972 жыл–компания халықаралық косметика нарығына тарап, Брюссельде басты кеңсесі ашылған.
  • 1982 жылИрландияда компания орталық ғылыми-өндірістік кешенін ашқан.
  • 1982 жыл– компания Лондондық сауда биржасына тіркелген.
  • 1992 жыл– компания Ресей мен Украинада өз қызметтерін бастады.
  • 1995 жылВарша мен Польшада өндірістік кешеннің ашылуы.
  • 1996 жыл– Ресейде көп сатылы маркетинг жоспарының енуі мен тікелей сатылым әдісімен жұмыс істей бастауы.
  • 1996 жылҮндістан, Делиде өндірістің ашылуы.
  • 2003 жыл– компания Швециядағы жаңа өндірістік кешенге ие болады.
  • 2004 жыл– компания Ресейдің Красногорск қаласында алғашқы сауда-өндірістік кешені құрылысын бастайды.
  • 2004 жыл– компания Стокгольм биржасына өз акцияларын шығарған.
  • 2005 жыл– Беларусияда тікелей сатылымның басталуы.
  • 2005 жыл– Қытайда Шанхайдан қырық шақырым жерде өндірістің ашылуы.
  • 2006 жыл– Ресей облысы, Красногорск ауданында өндірістік кешеннің іске қосылуы.
  • 2009 жыл– алғаш рет Ресей зауытында миллиондаған ерін далабы шығарылған.
  • 2009 жыл– Әлемде Oriflame кеңесшілерінің саны 3 миллион адамға жеткен.
  • 2009 жылWellness by Oriflame өнімдерінің жаңа легі іске қосылған.
  • 2010 жыл– компания Ресейден 40 шақырым жердегі Ногинск индустриальды паркінің 26 га жерін иеленген. Бұл жерге концерн болашақта жылына 150-200 млн өнім шығаратын логистикалық орталық пен өндірістік бөлімшелер салмақ.

Қызметі[өңдеу | қайнарын өңдеу]

Компания өзінің алғашқы кәсібін тері күтіміне арналған жабдықтар шығарудан бастаса, бүгінгі күнде компанияның дүниежүзінің 5 мемлекетінде жеке өндірістері мен 2 зерттеу орталықтары бар. Компанияның тұрақты түржиыны әр жыл сайын 250 жаңа бірлікпен жаңартылып отыратын 950 атаудан тұрады. Ақпараттық қолдау: таралымы 100 миллион данамен 35 тілде шығатын және компанияның жеке дизайнерлік агенттігі жасап шығаратын каталогтар мен басқа да баспа өнімдерінің көмегімен жүзеге асырылады.

Жыл сайын компания мерекелік іс-шараларды өткізу үшін белгілі бір ұран тағайындайды.

Мысалы:

  • 2008–Шоу басталады!
  • 2009–Yes you can
  • 2010– Арманға сен!
  • 2011–Make that change! (Арманға қадам жаса!)

Oriflame кеңесшісі[өңдеу | қайнарын өңдеу]

Oriflame компаниясы өз косметикаларын тікелей сатылым әдісі арқылы нарыққа ұсынады. Oriflame кеңесшілері барлық жеке сатылым кездерінде өздеріне қосымша өтемақы алады, сонымен қатар компанияға өзгеде адамдарды жұмысқа шақырып, және де өздері шығарған өнім топтамаларын өткізгеннен кейін сол үшін арнайы сый-сыяпаттарға ие болады.

Өндіріс географиясы[өңдеу | қайнарын өңдеу]

Компанияның Швеция, Польша, Ресей, Қытай, Үндістан секілді елдерде 5 фабрикасы мен Дублин(Ирландия) және Стокгольмде (Швеция) арнайы екі өңдеу және зерттеу орталықтары орналасқан.

Oriflame Ресейде[өңдеу | қайнарын өңдеу]

Компания Ресейдің Красногорск ауданында орналасқан фабрикаға иелік етеді. 2010 жылы Мәскеу маңындағы Ногинскде екінші Ресей зауытының алғашқы тасы қаланған. Зауыттың құрылысы 2013 жылы аяқталады деп күтілуде. Инвестиция көлемі 125-175 миллион еуроны құрап, өндіріске шығарылғаннан кейін әлемдегі ірі Oriflame фабрикасы болмақ. Компанияның Ресейдің 1400-ге жуық қалаларында өкілдіктері бар. Мысалы: ірі қалаларында Мәскеу, Санкт-Петербург, Екатеринбург, Краснодар, Воронеж, Саратов, Новосибирск, Казань, Пермь, Дондағы Ростов, Уфа, Омбы, Иркутск, Челябинск, Ярославль, Хабаровск, Волгоград, Нижний Новгород, Красноярск және Самарада қызмет көрсету орталықтары мен жылдам беру пунктері орналасқан. Ал өзге қалаларында Oriflame-нің қызмет көрсету нүктелері бар.

Дереккөздер[өңдеу | қайнарын өңдеу]

  1. Oriflame, SDB share information OMX