Оскар (киножүлде, 2013)

<< 84-шы • 85-ші тапсыру рәсімі • 86-ші >>

Оскар (киножүлде, 2013)
[[Сурет:Сурет:Oscar 86 (2013) poster.jpg|220px|alt=Үлгі:Alt}]] Ресми постері
Күні	24 ақпан, 2013
Өткен жері	Долби театр Голливуд, Лос-Анжелес, Каллифорния, АҚШ
< 88ші Академия марапаттаулары 85ші >

2013 жылғы Оскар жүлдесін табыстау рәсімі ақпанның 24-нен 25-не қараған түнінде 85-ші рет өтті.

Үздік фильм

2012 жылдың үздік фильмі болып Бен Аффлектің Арго туындысы атанды. Оскардың бас жеңімпазын АҚШ-тың бірінші ханымы Мишель Обама жариялады. Үздік фильм атағына сондай-ақ Жабайы Оңтүстік аңдары (орыс. "Звери дикого Юга"; ағылш. "Beasts of the Southern Wild"), Үміт оттары (ағылш. "Silver Linings Playbook"; орыс. "Мой парень – псих"), Түнгі қараңғылық (орыс. "Цель номер один"; ағылш. "Zero Dark Thirty"), Линкольн (ағылш. "Lincoln"), Аластатылғандар (орыс. "Отверженные"; ағылш. "Les Misérables"), Пидің өмірі (ағылш. "Life of Pi"; орыс. "Жизнь Пи"), Махаббат (орыс. "Любовь"; ағылш. "Amour"), Азат етілген Джанго (ағылш. "Django Unchained"; "Джанго освобожденный") картиналары үміткер болды.

Үздік еркек/әйел рөлі

Үздік еркек рөлі номинациясында Линкольн фильміндегі рөлі үшін Дэниэл Дэй-Льюис, Үздік әйел рөлі номинациясында Үміт оттары драмасындағы рөлі үшін Дженнифер Лоуренс жеңіске жетті.

Екінші пландағы үздік еркек/әйел рөлі

Сет МакФарлейн жүргізген кеште алдымен Екінші пландағы үздік еркек рөлі анықталған еді. Азат етілген Джангода ойнаған Кристоф Вальц осы номинацияны жеңіп алды. Бұл неміс актерінің карьерасындағы екінші Оскар. Ал Энн Хэтэуэй Екінші пландағы үздік әйел рөлі атағына ие болды. Актриса алғашқы Оскарын Аластатылғандар фильміндегі рөлі үшін алды.

Үздік анимациялық туынды

2012 жылдың үздік анимациялық туындысы атағында Батыл жүрек (орыс. "Храбрая сердцем"; ағылш. "Brave") "Оскарына" қол жеткізді.

Шет тіліндегі үздік фильм

Шет тіліндегі үздік фильм ретінде Франция-Австрия елдері бірігіп түсірген Махаббат (орыс. "Любовь"; ағылш. "Amour") картинасы танылды.

Үздік арнайы эффектілер

Ал Пидің өмірі Үздік арнайы эффектілер номинациясында жеңіске жетті. Сондай-ақ, аталған фильмнің режиссері Энг Ли жылдың үздік режиссері атағына ие болды. Бұл атаққа одан бөлек Дэвид О. Расселл, Стивен Спилберг, Михаэль Ханеке, Бен Зайтлин таласқан еді.

Үздік саундтрек/ән

Пидің өміріне әуен жазған композитор Майкл Дэнна Үздік саундтрек атағын жеңіп алды. Ал Үздік ән номинациясының жүлдесін Скайфолл фильміндегі басты композициясы үшін әнші Адель алды.

Үздік сценарий

Америка киноакадемиясының Үздік бейімделген сценарий және Үздік сценарий номинацияларында сәйкесінше Крис Террио ("Арго") және Квентин Тарантино ("Азат етілген Джанго") жеңіске жетті.