Оспанов, Марат Тұрдыбекұлы
Қазақша Уикипедияның мағлұматы
 |
Бұл мақаланы Уикипедия сапа қалыптарына лайықты болу үшін аршу қажет. Осы мақаланы асылдандыру үшін мүмкіндігіңіз болса көмек беріңіз. |
 |
Бұл мақаланы не бөлімді Уикипедия сапа қалыптарына лайықты болуы үшін уикилендіру қажет. Осы мақаланы асылдандыру үшін лайықты ішкі сілтемелерді еңгізіп көмек беріңіз. |
Марат Тұрдыбекұлы Оспанов — мемлекеттік, саяси қайраткер, ҚР парламенті мәжілісінің тұңғыш төрағасы, экономика ғылымдарының докторы. Еуразия халықаралық экономикалық Академиясының академигі.
1949 жылы 17 қыркүйекте Ақтөбе қаласында дүниеге келген.
1971 жылы Г. В. Плеханов атындағы Мәскеу халық шаруашылығы институтын бітірген.
Еңбек жолын ҚР Жоспарлау комитетінің есептеу орталығының ғылыми-зерттеу институтында кіші ғылыми қызметкер боп бастады.
1973-1976 жылдары Ақтөбе медицина институтының партия тарихы және саяси экономия кафедрасының оқытушысы, 1979-1989 жылдары Ақтөбе мемлекеттік медицина институтында аға оқытушы, доцент, партия тарихы және саяси экономия кафедрасының меңгерушісі.
1990 жылы XII шақырылған ҚР Жоғарғы Кеңесінің депутаты, «Демократиялық Қазақстан» депутаттық тобының негізін қалаушы, әрі оның тең төрағаларының бірі боп сайланды. 1991 жылы ҚР Жоғарғы Кеңесінің экономикалық реформа, бюджет және қаржы мәселелері жөніндегі төрағасының орынбасары.
1992-1994 жылдары ҚР Бас мемлекеттік салық инспекциясы бастығының орынбасары — министр, Бас мемлекеттік салық инспекциясының бастығы — ҚР Қаржы министрінің орынбасары, ҚР Жоғарғы Кеңесі төрағасының орынбасары (1994-1995), Министр кабинеті жанындағы шетел капиталын пайдалану жөніндегі Комитет тәрағасы (1995).
1995-1999 жылдары ҚР Парламенті Мәжілісінің төрағасы, 1999 жылы -"Отан" партиясы терағасының орынбасары.
Экономика ғылым саласында 6 кітабы бар, көптеген ғылыми мақалалардың авторы.
2-дәрежелі «Барыс» орденімен, «Астана» медалімен марапатталған.
Ақтөбе қаласындағы көшенің біріне, Батыс Қазақстан медицина академиясына М.Оспанов есімі берілген. Ақтөбе қаласында Марат Оспанов тұрған үйге ескерткіш тақта ілініп, есіміндегі медицина академиясына қола бюсті 2001 жылы шілде айында қойылды.
