Оңалсын Исламұлы Жұмабеков

Уикипедия — ашық энциклопедиясынан алынған мәлімет
Навигацияға өту Іздеуге өту

Оңалсын Исламұлы Жұмабеков - 1948 жылы 9 қарашада Алматы облысы Ақсу ауданының Қызылорақ ұжымшарында туған. Қазақ.

С.М. Киров атындағы Қазақ мемлекеттік университетінің заң факультетін бітірген (1974), заңгер.

Құқықлық, сайлау мәселелері жөніндегі мерзімдік басылымдарда жарияланған бірқатар мақалалардың авторы.

Қазақ, орыс және неміс (сездіктің көмегімен) тілдерін біледі.

1974 жылдан - Алматы қаласы Әуезов аудандық прокуратурасының тергеушісі. 1980 жылдан - ҚазКСР прокуратурасы тергеу басқармасының прокуроры. 1983 жылдан Алматы қаласы Фрунзе ауданының прокуроры. 1985 жылдан - Алматы облыстық прокурорының орынбасары. 1990 жылдан - Маңғыстау облысының прокуроры. 1994 жылдан - Алматы облысының прокуроры. 1996 жылдан - ҚР Бас прокурорының орынбасары, бірінші орынбасары. 2003 жылдан - ҚР Әділет министрі. 2005 жылдан - ҚР Орталық сайлау комиссиясының төрағасы. 2007 жылдан - ҚР Президенті Әкімшілігі жетекшісінің орынбасары.

2008 жылдың ақпан айынан бері - ҚР Жоғарғы Сот Кеңесінің төрағасы.

II дәрежелі «Даңқ» (2001), «Парасат» (2009) ордендерімен; «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Тыңға 50 жыл» (2004), «Қазақстан темір жолына 100 жыл» (2004), «Қазақстан Парламентіне 10 жыл» (2006), «Астананың 10 жылдығы» (2008) медальдарымен марапатталған.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Қазақстан Республикасы Президентінің Қазақстан халқының білім және мәдениет деңгейі жоғары, өркендеген мемлекет болатыны жөніндегі сенімін бөлісемін».

Сүйіп оқитын әдебиеті - тарихи тақырыптағы көркем әдебиет.

Үйленген. Жұбайы - Нұрмұханова Айман Әбілқызы (1956 жылы туған). Қыздары - Сәуле (1979 жылы туған), Әлия (1988 жылы туған), Маржан (1994 жылы туған).

Дереккөздер[өңдеу | қайнарын өңдеу]