Оңтүстік Қытай теңізі

Уикипедия — ашық энциклопедиясынан алынған мәлімет
Мұнда ауысу: шарлау, іздеу
A.
Оңтүстік Қытай теңізінің картадағы көрінісі

Оңтүстік Қытай теңізіТынық мұхиттың Азия жағалауындағы ең ірі теңіз. Үндіқытай және Малакка түбектері мен Калимантан, [[Палаван], Лусон, Тайвань аралдарының аралығында. Аумағы 3,54 млн. км², орташа тереңдігі 1024 м, ең терең жері 5560 м. Филиппин аралдарымен іргелес солтүстік-шығыс бөлігі аса кең тектоникалық қазаншұңқырда жатыр. Аралдары түгелдей дерлік маржандық. Солтүстік тропик пен экватордың аралығында жатқандықтан беткі қабатындағы судың температурасы жыл бойы жоғары. Тек солтүстігінде ғана ақпан айының орташа температурасы 20°С-қа дейін төмендейді. Теңіз түгелдей муссондар алабына кіреді. Тұзд. 32 – 34‰. Теңіз түбінде жер сілкініп, жанартау атқылап тұрады, олармен апатты құбылыс – цунами байланысты. 2004 жылы желтоқсанда теңізге іргелес Үлкен Зонд аралдарының маңындағы жер сілкінуден туған цунамидан 11 ел зардап шегіп, 300000-ға жуық адам қаза тапты. Теңізден балық, теңіз тасбақасы, трепанг ауланады. Ірі порттары: Бангкок, Сянган, Гуанчжоу, Хошимин, Манила. [1]

Сілтемелер[өңдеу]

Сыртқы сілтемелер[өңдеу]

Пайдаланылған әдебиеттер[өңдеу]

  1. Қазақ энциклопедиясы, 7 том