Періште емені

Уикипедия — ашық энциклопедиясынан алынған мәлімет
Навигацияға өту Іздеуге өту
Періште емені (2010)

Періште емені (ағылш. Angel Oak) – АҚШ-тың Оңтүстік Каролина штатында 1500 жылдық тарихы бар емен (Quercus virginiana) ағашы. Ағашты жергілікті тұрғындар «Періште емені» деп атайды. Оның биіктігі – 20 метр, диаметрі – 2,7 метр. Ал ұзындығы – 27 метр. Ол Джон аралында орманды алқапта орналасқан. Еменге «Періште» атауы соңғы егесінің тегіне байланысты берілген. 1717 жылы емен өсіп тұрған аймақты Авраам Уэйт есімді азамат меншік етеді. Сөйтіп Уэйт әулетінің меншік етуі 4 ұрпаққа жалғасады. Кейіннен Авраамның шөбересі Мартой Уэйт Такер мен Юстус Энджелдың (Angel) некелесуінен «Періште» аталады. Қазіргі таңда «Періште емені» саябаққа айналған. Саябақ 1991 жылы Чарлстон қаласының үлесіне кіреді. Еменнің бұтақтары өте ауыр. Тіпті кейбіреулері жерге жанаса өскен. Ол су тасқыны, дауыл, жер сілкінісі секілді ауыр апаттарды бастан өткерген. 1989 жылы Періште емені Хуго дауылынан зардап шегіп, уақыт өте қайта қалпына келген. Көктем мен жаз айларында саябақта сан алуан мерекелік іс-шаралар ұйымдастырылады.