Пестковский, Станислав Станиславович

Уикипедия жобасынан алынған мәлімет
Мұнда ауысу: шарлау, іздеу
Пестковский, Станислав Станиславович.jpg

Пестковский Станислав Станиславович (3.12.1882, Польша, Калишская губ. — 15.11.1937, Москва) — қоғам қайраткері. Ұлты поляк. Лодзь қаласындағы гимназияны, Лондон университетін бітірген. Орыс, француз, ағылшын, неміс тілдерін меңгерген. 1905 — 06 жылдары Польша мен Литвадағы социал-демократтар жетекшілерінің бірі болды. 1906 жылы саяси қызметі үшін тұтқындалып, каторгаға айдалды. 1911 жылы Иркутск губ-на жер аударылған, одан 1913 жылы қашып шығып, шетелге кетті. 1914 — 17 жылдары Лондон большевиктік секциясының британ социал партиясының мүшесі болды. 1917 жылы кәсіподақтардың Петроград орталықкеңесінің мүшесі болып, РСДЖ(б)П Петербург к-тінде және ОК хатшылығында қызмет етті, Петроград әскери революциялық комитетінің комиссары ретінде юнкерлер бүлігін басуға қатысты. 1917 — 19 жылдары РКФСР Ұлт істері жөніндегі халық комиссарының орынбасары. 1919 жылдың шілдесінен 1920 жылдың 1 қыркүйегіне дейін Қазақ революциялық комитетінің тұңғыш төрағасы, 1920 жылы РК(б)П Қырғыз (қазақ) бюросының төрағасы болды. Пестковский Қазақстанда жұмыс істеген кезінде Орынбор қаласы мен Орынбор облысын, солтүстік облыстардың Қазақстанның құрамына кіруіне ықпал етті, құрбан айт мейрамына рұқсат берілді. 1921 жылы Польшамен шекараны белгілеу жөніндегі кеңестік орыс-украин делегациясының төрағасы. 1922 жылдан партия және дипломат. жұмыстарда болды. 1924 — 26 жылдары КСРО-ның Мексикадағы өкілетті өкілі. Коминтерн аппаратында жұмыс істеді. 30-жылдардың ортасында бірыңғай ғылыми жұмысқа көшті.

Пестковский Станислав Станиславович (1882-1943) - қоғам және мемлекет қайраткері. Ресейдегі революциялық қозғалысқа қатысушы. Калинин губерниясындағы Келчиглув селосында туған. (қазіргі Польша республикасы) 1905-1906 жылдары Литва мен Поляк Карольдігінің социал демократиялық ұйымы басшыларының бірі болды. 1917жылы Петроград кәсіподақтарының Орталық Кеңесінің мүшесі, кейін РСДЖ Р ОН секретариятында істеді.

  • 1917 жылғы Қазан революциясы негізінде Петроградтағы Орталық телеграфтық комиссары
  • 1917-1919 жылдары РКФСР Ұлттар істері жөніндегі Халық комиссарының орынбасары
  • 1919 жылдың шілдесінен 1920 жылдың маусымына дейін Қырғыз революциялық комитетінің төрағасы
  • 1920жылдан РК(б)П Қырғыз бюросының төрағасы болды.
  • 1922 жылдан бастап партиялық және дипломатиялық жұмыстар атқарды. 30-жылдары ғылыми жқмыстармен айналысты.

Дереккөздер[өңдеу]

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VII том Қазақстанның қазіргі заман тарихы (Жалпы білім беретін мектептің 9-сыныбына арналған оқулық) Б.Аяған, М.Шәймерденова