Петр Иванович Стучка
Петр Иванович Стучка(26.07.1865, Стучкинский ауданы, Латвия - 25.01.1932,Мәскеу) - кеңес мемлекет және партия қайраткері, Латвия Компартиясының негізін қалаушылардың бірі, 1895 жылдан Компартия мүшесі. 1917 жылы Ақпан революциясынан кейін РСДЖ (б) П Петербург комитетінің және Петербург Кеңесі аткомы большевиктік фракциясының мүшесі, РСДЖ (б)П Бүкіл ресейлік 7 - тамыз конференциясының делегаты. Қазан революциясына белсене қатысты. 1917 жылдың қарашасынан РСФСР Заң халкомы, ал 1918 - 19 жылдары Латвиядағы Кеңес үкіметінің председателі, 1922 - 32 жылдары РСФСР Жоғары Сотының председателі. БК (б) П 7,9,10,14 - 16 съездерінің делегаты. Кеңестік құқық институтын ұйымдастырушы және директоры, Мәскеу мемлкеттік университетінің профессоры. "Капиталдың" 1 - томын латыш тіліне аударушы. 1919 жылдан бастап Латвия Компартиясының Коминтерндегі тұрақты өкілі, Коминтерн аткомының мүшесі. 1924 жылдан өмірінің ақырына дейін Коминтерннің халықаралық бақылау комиссиясының председателі болды.
Қолданылған әдебиет[өңдеу | қайнарын өңдеу]
Қазақ Совет энциклопедиясы, 1976 жыл, Алматы,10 том, 429-430 бет