Полиатрит

Полиатрит— бірнеше буынның қабынып, ісініп ауыруы. Полиатритке көбіне ревматизм ауруы ұшыратады. Кейде әр түрлі инфекциялы (грипп, сепсис, қызамық, дизентерия) аурулардың асқынуынан болады. Созылмалы Полиатрит туберкулез, мерез, бруцеллез және зат алмасуының, әсіресе эндокринді бездердің қызметі бұзылуы салдарынан болады. Полиатритпен орта жастағы адам, оның ішінде әйел жиі ауырады. Ауру кейде кенеттен басталып науқастың дене қызуы 38—39° С-қа көтеріледі, буыны ісініп, қозғалысы қиындайды. Науқас қатты ауырсынады. Қан құрамы өзгеріп, лейкоциттер көбейіп, РОЭ-ы жылдамдайды. Буынға сарысу жиналады. Полиатриттің созылмалы түрінде жоғарыда айтылған клиникалық белгілер баяу өтіп, науқасты онша күйзелте қоймайды. Емі: Полиатритке шалдықтыратын ауруларды емдеу.