Придон ешкісі

Придон ешкісі — түбітті ешкі тұқымы. Жүнінің құрамында түбіті көп (65 — 70%), қылшығы аз (30 — 35%). Түбітінің ұзындығы 9 — 11 см, жіңішкелігі 19 — 23 мкм, қылшығының ұзындығы 5 — 6 см, жіңішкелігі 60 — 80 мкм. Түбіті сұр, қылшығы қара. поэтика е-нің дене бітімі, сүйегі берік, ірі, тез жетілгіш, ауа-райы жағдайына тез бейімделгіш. Текесі 65 — 70 кг, ешкісі 40 — 43 кг салмақ тартады. Бордақыланған серкесінің тірілей салмағы 75 кг, тушасының салмағы 37 кг-ға дейін жетеді. поэтика е. — өсімтал, 30 — 40%-ы егіз табады. Ешкісі 5 айдың ішінде майл. жоғары (4,6 — 4,8%) 150 — 180 кг сүт береді. Қазақстанда, Таулы Алтай мен Қырғызстанда жергілікті ешкінің түбіттілігін арттыру үшін будандастыруға кеңінен пайдаланылды.