Программаны жөндеу

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Программаны жөндеу (Отладка программы; program debugging) — бар екендігі тағайындалған программалық қателерді табу, анықтау, оңашалау және жоюдан тұратын программаны әзірлеу кезеңі. Программаны жөндеу, әдетте, программа компиляцияланбағанда немесе дұрыс жұмыс істемегенде ғана орын алады. Синтаксистік қателер программаны компиляциялау процесінде анықталатын болады. Кейбір синтаксистік, соңдай-ақ мағыналық немесе семантикалық қателер программаны тестілеу процесінде анықталады. Программалау жүйелерінде арнайы құралдар кездеседі. Программаны жөндеуді түсініктеме беру режимінде бақылау нүктелерін тағайындауға, программаның жеке бөліктерін орындауға және операторлар жұмысының нәтижесін қарап шығуға мүмкіндік беретін жөндеуіштер іске асырады. Программаға із салу өте тиімді, бірақ берілетін ақпарат көлемі мұқият жоспарланбағандықтан программалаушының реттеуге шамасы келмейтіндей жағдай болады. Алайда программалаушының программаны жөндеудің стандартты құралдарымен шешуі сирек жағдай. Дұрысы: программалау кезеңінде программаға алгоритмнің орындалу барысын, айнымалылар мен айнымалылардың мәндерін жаңғыртушы бағыныңқы программаларға қатынауды қадағалайтын программалық жөндеудің өзіндік құралдарын қарастыру жөне енгізу. Бұл жағдайда қателер үлкен дәлдікпен анықталады.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Информатика және компьютерлік техника / Жалпы редакциясын басқарған, түсіндірме сөздіктер топтамасын шығару жөніндегі ғылыми-баспа бағдарламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А. Қ. Құсайынов. – Алматы: «Мектеп» баспасы» ЖАҚ, 2002 жыл. – 456 бет. ISBN 5-7667-8284-5