Рашид Төлеутайұлы Түсіпбеков

Уикипедия — ашық энциклопедиясынан алынған мәлімет
Мұнда ауысу: шарлау, іздеу


Рашид Төлеутайұлы Түсіпбеков
Дүниеге келгені: 1955 жылы қаңтардың 28-інде
Шымкент
Мансабы: Қазақстан Республикасының әділет министрі

Рашид Төлеутайұлы Түсіпбеков — Қазақстан Республикасының әділет министрі.

Қысқаша өмірбаяны[өңдеу]

1955 жылы қаңтардың 28-інде Шымкент қаласында дүниеге келді.

1962 жылы Қарағанды қаласында тұрды, 1976 жылы ондағы № 3 орта мектепті бітірді.

Мектепті аяқтаған соң Қарағанды облысы атқару комитетінің өрттен қорғау қызметінде жүргізуші болып жұмыс істеді.

1976 жылы тамызда1981 жылы әскерден оралған соң Қарағанды мемлекеттік университеті заң факультетінің күндізгі бөлімінің бірінші курсына қабылданып, оны өте жақсы бағамен аяқтады.

Қарағанды қаласы Совет аудандық халық сотында үш айлық сынақтан өткен соң 1981 жылы қараша айында халық судьясы болып тағайындалды.

19841993 жжылы Қарағанды облысы Нұра аудандық соты төрағасының қызметін атқарды.

19931999 жжылы Қарағанды облысы сотының төрағасы болды.

1999 жылы сәуір айынан Қазақстан Республикасының Жоғарғы Соты қылмыстық істер жөніндегі сот алқасының төрағалығына тағайындалды. Қазақстан Республикасының Жоғарғы Соты төрағасы міндетін атқарды.

2000 жылы қазан айынан желтоқсан айына дейін Қазақстан Республикасының Жоғарғы Соты жанындағы Сот әкімшілігі жөніндегі комитеттің төрағасы болды.

2000 жылы желтоқсанның 21-інде Қазақстан Республикасы Президентінің Жарлығымен Қазақстан Республикасының Бас Прокуроры болып тағайындалды.

2005 жылы желтоқсанның 15-інде Қазақстан Республикасы Президентінің Жарлығымен Қазақстан Республикасының Бас Прокуроры болып екінші рет конституциялық мерзімге тағайындалды.

2009 жылы Сәуірдің 2-інде Қазақстан Республикасының Әділет министрі.

2012 жылы қаңтардың 21-інен Қазақстан Республикасы Экономикалық және сыбайлас жемқорлыққа қарсы күрес агенттігінің (қаржы полициясы) төрағасы.

2014 жылғы тамыздың 11-інен Қазақстан Республикасы Жоғары Сот кеңесiнiң төрағасы.

«Закон и время» журналы редакция алқасының төрағасы

Марапаттары[өңдеу]

Мемлекет алдындағы қызметі, еліміздің әлеуметтік-экономикалық және мәдениетті дамытуға қосқан елеулі үлесі үшін 2003 жылдың 8 желтоқсанда 2 дәрежелі «Барыс» орденімен марапатталды. Сонымен қатар Қазақстан Республикасы Президентінің алғыс хатын алған.

Мемлекеттік 2-ші дәрежелі әділет кеңесшісі сыныптық шені бар.

Діни көзқарасы[өңдеу]

Діни көзқарасы - «Діншіл емеспін».

Саяси қайраткер ретіндегі идеалы[өңдеу]

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы[өңдеу]

Қазақстанның болашағы туралы болжамы - «Қазақстан 10 жылдың ішінде әлемдегі бәсекеге ең қабілетті 50 елдің қатарына қосылады».

Хоббиі[өңдеу]

Хоббиі - аңшылық, атқа салт мініп жүру, бильярд, стол үсті теннисі.

Сүйіп оқитын әдебиеті[өңдеу]

Сүйіп оқитын әдебиеті - тарихи тақырыптағы әдебиет.

Үйлік жағдайы[өңдеу]

Үйленген. Жұбайы - Түсіпбекова Күләш Аташқызы (1955 жылы туған). Ұлдары - Түсіпбеков Жанат (1977 жылы туған), Түсіпбеков Мұрат (1980 жылы туған), Түсіпбеков Замир (1985 жылы туған), Төлеутай Нұраби (1991 жылы туған).

Дереккөздер[өңдеу]