Реза Кемаль

Уикипедия — ашық энциклопедиясынан алынған мәлімет
Навигацияға өту Іздеуге өту

Реза Кемаль — (лақап аты — Шаһрзад; 1898 - 11.09.1937) — иран драматургы, актер әрі ақын. 1918 жылы Тегеранда (С.Нафиси, Г.Фекри, М.Камеземилермен бірге) театр қоғамын құрды. «Зардошт» (1920) пьесасы ежелгі иран дінінің негізін салушы Заратуштра өміріне арналды.

Шығармашылығы[өңдеу | қайнарын өңдеу]

Ол өзінің «Паричехр мен Паризад» (1921), «Мәрмәр мүсін» (1930) атты пьесаларында басты рольдерді ойнады, «Еуропадан келген доктор» (1925) комедиясы Еуропадан дәріс алған жастар өмірін суреттейді. «Парване» (1927, актер Парваненің өмірі жайлы), «Сасани әулетінің қалыңдығы немесе Хұсрау мен Шырын» (1932, Низами поэмасы бойынша) т.б. оперетталар либреттосының авторы. «Мың бір түн» желісімен «Мың бірінші түн» (1931), «Харон ар-Рашид халифтің гаремі немесе Азиза мен Азиза» (1933, Гюгоның өлеңдері бойынша) т.б. пьесалар жазды. О.Уайльд, А.Мюссе пьесаларын аударды. [1]

Дереккөздер[өңдеу | қайнарын өңдеу]

  1. Қазақ Совет энциклопедиясы: Алматы, 1976ү 9 том. 454 бет.