Рубен Суренович Андриасян

Рубен Суренович Андриасян
Жалпы мағлұмат
Туған күні	31 қазан 1938 (1938-10-31)
Туған жері	Ресей, Қабарда-Балқария, Нальчик
Қайтыс болған күні	25 мамыр 2022 (2022-05-25) (83 жас)
Қайтыс болған жері	Алматы, Қазақстан
Азаматтығы	КСРО  Қазақстан
Мамандығы	театр режиссері, педагог-профессор
Белсенді жылдары	1963—2022
Марапаттары	Құрмет ордені Құрмет ордені Платиналы Тарлан сыйлығы Қазақстан халық әртісі (1992)

Рубен Суренович Андриасян (31 қазан 1938, Нальчик — 25 мамыр 2022) — режиссер, педагог, Қазақстан халық әртісі (1992).

Өмірбаяны

Әкесі - Андриасян Сурен Николаевич (1904-1956). Анасы - Андриасян Анна Лезеревна (1908-1992). 1963 жылы театр және телевизия режиссурасы бойынша Ереван мемлекеттік театр-көркемөнер институтын бітірген.

Еңбек жолдары

• 1963-65 жылдары – Қызылорда облыстық қазақ драма театрының бас режиссері.
• 1965-66 жылдары Қостанай облыстық орыс драма театрының, 1966-72 жылдары Қарағанды облыстық орыс драма театрының бас режиссері болып, орыс және шет ел драматургиясы бойынша көптеген спектакльдерді сахнаға шығарды.
• 1972-74 жылдары - М.Ю. Лермонтов атындағы мемлекеттік академиялық орыс драма театрының режиссері.
• 1974-1983 жылдары - Жасөспірім көрермендер театрының бас режиссері.
• 1983 жылдан бастап – М.Ю. Лермонтов атындағы мемлекеттік академиялық орыс драма театрының көркемдік жетекшісі.
• 1979 жылдан Қазақ ұлттық өнер академиясының жарық шеберлігі және режиссура кафедрасының профессоры.

Қойылымдары

“Тифлистегі үйлену тойы” (А. Цагарели, 1974), “Жас гвардия” (А. Фадеевтің романы бойынша, 1975), “Маусымдағы қоштасу” (А. Вампилов, 1975), “Жанасу” (Р. Ибрагимбеков, 1975), “Еске алу дұғасы” (Шолом-Алейхом, 1990), “Сирано де Берже рак” (Э. Ростан, 1983), “Ит жүрегі” (М. Булгаков, 1988), “Ағайынды үш қыз” (А. Чехов, 1992), “Сараң” (Ж. Мольер, 1994), “Эзоп” (Г. Фигей редон, 2000) “Ымырттағы махаббат” (Г. Гауптман, 2002), т.б. спектакльдер.

Марапаттары

• Еңбек Қызыл Ту
• Достық (РФ)
• «Парасат» ордендерімен, медальдармен марапатталған.
• ҚР Мемлекеттік сыйлығының лауреаты.
• Тәуелсіз «Платиналы Тарлан» сыйлығының лауреаты.
• ҚР Халық әртісі.

Жұбайы - Андриасян Валентина Ивановна (1946 жылы туған), педагог. Ұлы - Андриасян Армен (1967 жылы туған); қыздары - Анна (1969 жылы туған), Карина (1980 жылы туған).