Рузаевка

Рузаевка — Солтүстік Қазақстан облысының Ғ.Мүсірепов ауданындағы ауыл, өзімен аттас ауылдық округтің орталығы. Аудан орталығы — Новоишим кентінен оңтүстік-шығысқа қарай 75 км жерде, Шарық өзенінің сол жағасында орналасқан. Тұрғыны 4,5 мың адам (2004). Іргесі 1921 ж. қаланған. 1930 — 97 ж. Көкшетау облысының өзімен аттас ауданының орталығы болып келді. 1959 жылдан бастап ғ12 кәсіптік-техникалық мектеп, 1968 жылдан бастап аудандық ауыл шаруашылық тәжірибе стансасы, 1982 жылдан аудандық тұтынушылар одағының қосалқы шаруалығы орналасты. Рузаевкада бұрынғы кәсіпорындар мен мекемелердің негізінде астық және мал өсірумен айналысатын ЖШС-тер құрылды. Олардан басқа мұнда электр стансасы, май зауыты, диірмен, машина-трактор жөндеу шеберханасы, байланыс бөлімшесі, сауда орындары, т.б. бар. ^[1]