Бергей Сәулебайұлы Рысқалиев

Рысқалиев, Бергей Сәулебайұлы
Дүниеге келгені:	21.01.1967 Гурьев облысы Мақат ауданы
Мансабы:	Атырау облысы әкімі

Рысқалиев, Бергей Сәулебайұлы — Атырау облысының әкімі.

Қысқаша өмірбаяны

1967 жылы 21 қаңтарда Гурьев облысы Мақат ауданының Мақат кентінде туған. Қазақ.

Алматы сәулет-құрылыс институтын (1991) инженер-құрылысшы мамандығы бойынша; Қазақ мемлекеттік заң университетін (2000) заңгер мамандығы бойынша бітірген.

Техника ғылымдарының кандидаты (2008).

Қазақ, орыс және ағылшын (сөздікпен) тілдерін біледі.

Республикалық және жергілікті газеттерде жарияланған бірнеше мақалалардың авторы.

1991 жылдан - «Батқазэнерго» АҚ ҚМБ құрылыс учаскесінің шебері, жұмыс өндірушісі. 1992 жылдан - «Одиссей» ЖШК (Ақтөбе) әкімшілік-шаруашылық бөлімі жөніндегі директордың орынбасары. 1995 жылдан - «Аспан» ЖШС құрылыс мәселелері жөніндегі директордың орынбасары (Ақтөбе). 1998 жылдан - «Шат» мұнай компаниясының директоры (Ақтөбе). 2001 жылдан - «Батыс-Мұнай» қазақ-қытай БК директоры, «CNPC-Ақтөбемұнайгаз» Директорлар кеңесінің мүшесі, облыстың Тәртіп кеңесінің мүшесі. 2002 жылдан - «Қазсыртмаш» Атырау аймақтық филиалының директоры. 2003 жылдан - Атырау облыстық 3-ші шақырылған мәслихатының хатшысы. 2005 жылдан - Атырау облысы әкімінің орынбасары. 2006 жылдан - Атырау қаласының әкімі.

2006 жылдан бері - Атырау облысының әкімі.

Атырау облыстық 3-ші шақырылған мәслихатының депутаты (2003-2005).

Меценат Алтын орденімен (2008); «Қазақстанның Конституциясына 10 жыл» (2005), «Почетный гость России» (2007), «Астананың 10 жылдығы» (2008); «Қазақстан полициясына 15 жыл» (2007), «Қазақстан Республикасы Мемлекеттік қызмет істері агенттігіне 10 жыл», «Парасат» (2008), «Астрахан облысына сіңірген еңбегі үшін» (2008), «Бірінші ұлттық ауыл шаруашылығы санағы» (2008) медальдарымен марапатталған.

Үйленген.