Сабақ егеушілер (лат.Cephidae) – жарғаққанаттылар отряды, қондырма құрсақтылар отряд тармағының бір тұқымдасы. Жер шарына кең тараған 7 мыңнан астам түрі белгілі. Денесінің ұзындығы 1 — 45 мм, өсімдіктермен қоректеніп, зиян келтіреді. Толық түрленіп дамиды. Дернәсілдері құрттәрізді. Сабақ егеушілердің аналықтары ұзын, ара тәрізді, онда жұмыртқа салғышы болады. Ауыл шаруашылығы дақылдарының жапырақтарын, сабақтарын егеп теседі де, пайда болған тесікке жұмыртқасын салады. Сабақ егеушілердің ішіндегі қауіптілері: қараөрік егеуші (Hoplocampa fulvіcornіs), алма егеуші (Hoplocampa testudіnea), астық егеуші (Cephus pygmaeus), қара егеуші (Trachelus tabіdus).[1]