Савутжан Маматқұлов

Уикипедия — ашық энциклопедиясынан алынған мәлімет
Навигацияға өту Іздеуге өту
Сурет:Савутжан Маматқұлов.png

Савутжан (Надирий) Маматқұлов (1940-2006) - 27 ақпанда Алматы облысы, Панфилов ауданының Надек ауылында туған.


ҚазМУ-дің журналистика факультетін бітірген (1968). «Коммунизм туш» (қазіргі «Ұйғыр авази») газетінде тілші, бөлім бастығы, одан кейін «Арзу» журналында редактор болып істеген.

1994 - 1998 жылдары Қазақстан Жазушылар одағы ұйғыр жазушылары бірлестігінің төрағасы, 1994 жылдан «Жазушы» баспасында редакция меңгерушісі қызметін атқарды.

Қазақстан Жазушылар одағы I.Жансүгіров атындағы сыйлығының лауреаты. Абай, А.Пушкин, Н.Некрасов, Ш.Айтматов, Р.Гамзатов, О.Сүлейменов, М. Жәлел, А.Арипов, С.Иманасов, Е.Раушанов, т.б. шығармаларын, В.Шекспирдің «Король Лир» драмасын ұйғыр тіліне аударған.[1]

Шығармалары[өңдеу | қайнарын өңдеу]

  • Жастық жыр. Өлеңдер. А., «Жазушы», 1968;
  • Ағады Өсек өзені. Өлеңдер. А., «Жазушы», 1978;
  • Өзімді іздеймін. Өлеңдер. А., «Жазушы», 1981;
  • Ізгілік. Өлеңдер. А., «Жазушы», 1986;
  • Мейір. Өлеңдер.А., «Жазушы», 1990;
  • Мен және Некрасовтың жеті мужигі. Поэма. А., «Жазушы», 1995.

Дереккөздер[өңдеу | қайнарын өңдеу]

  1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл