Сайсағыз
Сайсағыз(Hyssopus)[1] — еріндігүлділер тұқымдасына жататын көп жылдық шөптесін өсімдік, кейде жартылай бұта. Қазақстанда тау бөктерлерінде, өзен жағалауында, қау-бетегелі далалық алқаптарда өсетін 4 түрі бар. Жиі кездесетіні — күмәнді сайсағыз (Hyssopus ambіguus). Оның биіктігі 25 — 40 см, сабағы төрт қырлы, көп бұтақты. Жіңішке жапырағының шеті бүтін, таспа пішінді. Көк, көкшіл түсті гүлдері сыпыртқы гүлшоғырына топталған. Тостағанша жапырақшаларының ұзындығы 4 — 6 мм, күлтелерінің ұзындығы 1 см-дей. Аталығының саны — төртеу. Маусым — шілде айларында гүлдеп, тамызда жеміс салады. Тұқымы — үш қырлы жаңғақша. Сайсағыз — дәрілік өсімдік, халық медицинасында оны қақырық түсіруге, тыныс жолдары қабынғанда, сондай-ақ, қолқа демікпесіне, неврозға, стенокардияға, ревматизмге қарсы қолданады. Құрамында эфир майы болғандықтан парфюмерияда пайдаланылады. Гүлінен ара бал жинайды. [2][3]
Пайдаланылған әдебиеттер: [өңдеу]
- ↑ «Маңғыстау» энциклопедиясына, Компьютерлік-баспа орталығы, 2007
- ↑ Қазақ энциклопедиясы, 7 - том
- ↑ «Маңғыстау өсімдіктерінің каталогы», Ақтау, 2006;
 |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
 |
Бұл мақаланы Уикипедия сапа талаптарына лайықты болуы үшін уикилендіру қажет.
Мақаланы безендіру нұсқаулығына сәйкес көркемдеңіз.
|
 |
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
Суретті мыннан табуға болады:
|
