Сауль Альварес
Сантос Сауль Альварес Барраган (ағылш. Santos Saul Alvarez Barragan), 18 шілде 1990, Гвадалахара, Мексика) — мексикалық кәсіпқой боксшы, бірінші орта салмақта (Light Middleweight) өнер көрсетеді. Әлем чемпионы (WBC нұсқасы, 2011—2013, WBA нұсқасы 2013, The Ring нұсқасы 2013)
Әуесқой мансабы[өңдеу | қайнарын өңдеу]
Альварес 13 жасынан бастап бокспен шұғылдана бастаған. Әуесқой рингте 2 жыл ішінде 20 айқас өткізген, онымен қоса 2004 жылғы Мексика чемпионатында күміс медаль, 2005 жылғы Мексика чемпионатында алтын медаль жеңіп алған.
Кәсіпқой мансабы[өңдеу | қайнарын өңдеу]
Альварес 2005 жылы қазанда 15 жасында алғашқы айқасын өткізген. 2005 жылы екі қарсыласын нокаутқа түсірген, ал 2006 жылдың қаңтарында дебютант, болашақ жеңіл салмақ чемпионы Мигель Васкеспен кездесті. Альварес қазылардың әртекті шешімімен төртраундық айқаста жеңіске жетті. 2006 жылы шілдеде отандасы Хорхе Яреспен тең дәрежелі айқас өткізді. Осы айқастан соң сенімді жеңістер сериясы орын алды. 2008 жылы сәуірде Сауль жеңіліс көрмеген отандасы Габриэль Мартинеспен (17-0-1) кездесті, оны 12-ші раундта мерзімінен бұрын техникалық нокаутпен тізе бүктіріп жартылай орта салмақтағы WBA Fedecentro атағын жеңіп алды. 2008 жылы маусымда Сауль Мигель Васкесты жеңді.