Саясат психологиясы

Уикипедия — ашық энциклопедиясынан алынған мәлімет
Навигацияға өту Іздеуге өту

Саясат психологиясы — қоғамның саяси өміріндегі әлеуметтік психологиялық компоненттерді, ұлттар, әлеуметтік топтар, үкімет және жеке тұлғалардың саяси саналарының деңгейі және олардың нақты сол сананы іске асыру әрекеттерін зерттейтін психология ғылымының саласы. Саясат психологиясында ішкі саясаттық мәселелер (адамдар мен топтардың саяси саналарының қалыптасуы мен дамуы, саяси үрдістердің психологиялық жақтарын; адамдардың саясат жүйесіне қатынасын т.б.) және халықаралық қатынас мәселелері мен сыртқы саясатты (халықаралық қатынастың психологиялық аспектілерін, сыртқы саяси шешімдерді қабылдау үрдістерін, әсіресе дағдарыс жағдайындағы мәселелерді; халықаралық дау-дамайларды және оларды шешудің әдістемелерінің психологиясын; халықаралық ынтымақтастық пен бейбітшілік мәселелерін) зерттейді. Саясат психологиясында саясат аренасындағы жеке тұлғаларды зерттеумен олардың типологиясын құрастыру ерекше орын алады. Ертеректе саясат психологиясы әлеуметтік психология саласының меншігінде болған. Қазіргі кезеңде саясат психологиясы психология ғылымының дамып келе жатқан салаларының бірі болып есептеледі.[1]

Дереккөздер[өңдеу | қайнарын өңдеу]

  1. Жантану атауларының түсіндірме сөздігі. — Алматы: "Сөздік-Словарь", 2006. - 384 бет. ISBN 9965-409-98-6