Сепидан ауданы
Сепидан ауданы — Иранның Фарс облысының солтүстігінде нулы орманға толы Загрос таулы қыратында орналасқан. Сепидан ауданын Фарс облысының басқа аудандарынан табиғи көріністер, сарқырамалар, бұлақтар мен жасыл ормандар ерекшелендіреді. Бұл осы ауданның негізгі ерекшелігі болып саналады. Бұл аудан жылдың төрт мезгілінде де Иранның түкпір‑түкпірінен келетін туристерді қарсы алады. Тұщы минералды сулардың көп болуы осы аймақта минералды су шығаратын кәсіпорындардың салынуына себеп болды. Осы кәсіпорындардың кейбір өнімдері шет елдерге шығарылады. Сепидан ауданының тартымдылығы тек салқын да жанға жағымды ауа райы, бұлақтар, көктем мен жаз мезгілінде байқалатын таңғажайып табиғи көріністермен ғана шектелмейді. Бұл аймақтың әдемі қысы шаңғы тебу, аспалы жолмен қыдыруға мүмкіндік жасап, Сепиданның туристік тартымдылығын одан ары арттырады. Бұл аудан қысқы демалыс күндері табиғат пен қысқы спорт түрлерін жақсы көретін адамдарды қабылдайды. Сепидан ауданының ең әдемі жерлерінің бірі – "Маргун" сарқырамасы.