Сергей Михайлович Хорошун

Сергей Михайлович Хорошун - 1966 жылы 26 наурызда Солтүстік Қазақстан облысы Жамбыл ауданының Благовещенка ауылында туған. Украин.

Әкесі - Михаил Михайлович, зейнеткер, жұмысшы болған. Анасы - Зинаида Ивановна, зейнеткер, жұмысшы болған.

Целиноград инженерлік-құрылыс институтының құрылыс факультетін бітірген (1990). Орыс және неміс (сөздікпен) тілдерін біледі. «Нұр Отан» ХДП мүшесі (2007 жылдан).

• 1984 жылдан - Кеңес Әскерінің қатарында қызметте.
• 1990 жылдан - «Целиноградтұрғынүйқұрылыс» ӨҚБ прорабы, 1992 жылдан - құрылыс-монтаж ағынының бастығы.
• 1995 жылдан - Целина темір жолы басқармасы күрделі құрылыс қызметінің инспекторы.
• 1997 жылдан - «Қазақстан темір жолы» және «Ақмола темір жолы» РМК құрылыс жөніндегі инспекторы.
• 1998 жылдан - «Қалакоммуншар» МК Күрделі құрылыс басқармасы техникалық қадағалау бөлімінің бастығы, 1999 жылдан - басқарма бастығының орынбасары.
• 2000 жылдан - Астана қаласы Коммуналдық шаруашылық департаментінің директоры.
• 2003 жылдан - Астана қаласы «Лига-Полис» ЖШС директоры.
• 2004жылдан - Астана қаласы Энергетика және коммуналдық шаруашылық департаментінің директоры.
• 2006 жылдан - Астана қаласы әкімінің орынбасары.
• 2010 жылдың сәуірінен бері - Астана қаласы әкімінің бірінші орынбасары.

«Құрмет» (2005), III дәрежелі Мәскеу Орыс православиелік шіркеуі ""Әулие адал князь Даниил" (2010) ордендерімен; «Астана» (1998), «Қазақстан Республикасының тәуелсіздігіне 10 жыл» (2001), «Астананың 10 жылдығы» (2008) медальдарымен марапатталған.

Әскери атағы - лейтенант.

Үйленген. Жұбайы - Хорошун Юлия Юрьевна (1969 жылы туған), үй шаруасымен айналысады. Қыздары - Хорошун Анастасия Сергеевна (1992 жылы туған), Хорошун Елена Сергеевна (2003 жылы туған).