Сиқырлы қамқоршылар

Сиқырлы қамқоршылар
Жанры	комедия, фантастика
Продюсері	Бутч Хартман
Композиторы	Гай Мун
Ел	АҚШ
Маусымдар саны	9
Сериялар саны	120
Сериялар ұзақтығы	22 минут
Трансляция	30.06.2001

«Сиқырлы қамқоршылар» (ағылш. The Fairly OddParents; орыс. Волшебные родители) — «Nickelodeon» каналының мультхикаясы. Авторы – Бутч Хартман.

Сюжеті

Тимми Тернер — 10-жастағы қарапайым ұл. Өзінің ата-анасымен бірге Диммсдейл қаласында тұрады. Оның өмірі қызық емес, ешкім түсінбейді, ата-анасы оны тәрбиелемейді, сол үшін оған Викки деген кузинасы қарайды. Викки – қатал және дөрекі жасөспірім. Бұның бәрі Тимми балықтарының пері екенін білгенде өзгереді. Олар Космо және Ванда – ерлі-зайыпты перілер және Тиммидің «сиқырлы қамқоршылар». Тимми «сиқырлы қамқоршылары» кез-келген(кейбір тежеулер бар) тілек орындай алатынын тез ұғып алады. Тимми басында дөрекі тілектер сұрайды. Себебі, ол әлі кішкентай 10 жасар бала. Тілектерінің көбісі апаттарға ұшыратады.

Сюжет бойынша Тимми, басқа заттарға қарағанда, өзіне дұшпандар табады. Солардың бірі – мектептегі мұғалімі – Мистер Крокер. Ол басқа үлкен адамдардан ерекшеленеді. Себебі, перілерге сеніп, оларды іздейді. Егер Тимми, басқа бір адамға оның перілері бар екенін айтса, ол перілерінен айырылады. Бұл заң перілер әлемінде «Da Rules» деген заңдар жинағында жазылған. Және де бұл заңдардың орындалуын тексеріп жүретін кейіпкер бар. Оның аты – Юрген Фон Стрэнгл. Ол әлемге танымал Арнольд Шварценеггердің пародиясы деп те айтуға болады. Юрген – денелі және қатал періште. Ол Тимми мен оның «сиқырша ата-анасын» ұнатпайды.

Бутч Хартман

Сиқырлы жандар

• Періштелер — ерекше жандар. Олар кіндік баласының тілектерін орындайды. Кіндік балалары Жер ғаламшарында тұрады. Ал, олар Фейляндияда(Ғажайып әлем) тұрады. Басты періштелері – Юрген. Ыстық ауа-райын жақтырмайды.
• Анти-періштелер — сиқыршы тұқым. Періштелерге қарама-қарсы жандар. Олар Анти-Фейляндияда(Анти-әлем) тұрады. Анти-періштелер Жер ғаламшарда бұзыұтық жасайды. Жұманың 13-і – сүйікті мейрамы.
• Сиқырлы иттер— ғажайып жандар. Оларда перілердің мүмкіншіліктері бар. Бірақ, олар итке ұқсайды. Шаяндардан қатты қорқады.
• Лепрекондар — жасыл түсті киім киетін сиқырлы ағзалар. Олар Ирландияда тұрады. Бас лепрекон – Картофило.
• Джин — бұл ағзалар періштелерге ұқсайды. Өткені, олар тілектер орындайды. Бірақ, бір адам тек қана үш тілек сұрай алады.
• Сақалды ергежейлілер(гномдар) — 8 сақалды ергежейлілер бар; барлыға тек 7 гномды біледі. Ал, сегізінші гном туралы ұмыта береді. Себебі, оның есі ауысқан. Олар үңгірде тұрады.
• Айдаһарлар — үлкен қанаттары бар рептилиялар. Олар отты ауыздарынан шығара алады және оларда перілерде сияқты сиқыр бар. Сондықтан, перілер айдаһарларды жеңе алмайды.
• Құдайлар — күшті және қуатты адамдар. Олар аспанда тұрады. Перілерге қарағанда күштірек.
• Құбыжықтар — қорқынышты жандар. Олар әрдайым бәрін шошытып жүреді.
• Жалғыз мүйізділер(керік зеңбіректер) — маңдайында бір мүйізі бар аттар. Кейбір жалғыз мүйіздерде қанаттар болды.
• Басқа планеталық жандар — ғарышта тұрады. Адамдарға қарағанда жетілген. Олардың түрлері сегізаяқ немесе гуманоидтарға ұқсас.

Мультхикаяның кейіпкерлері

• Тимоти Тибериус «Тимми» Тернер (ағылшын. Timothy Tiberius "Timmy" Turner) — мультхикаяның басты кейіпкері. Оның ата-анасы көбінесе үйінде болмайды. Сондықтан, Тимми өз сиқырлы қамқоршылары: Космо, Ванда және Пуф туралы ешкім білмейді. Көбінесе, Тиммиді кузинасы Викки немесе мектептегі үлкен сынып оқушысы – Фрэнсис соғады. Тимми 10 жаста. Ол көп тілектерін ойланбай-ақ сұрай береді. Бірақ, кейбір кездерде Тимми зерек болып кетеді де, жағдайаттарды шешеді.
• Космо Фoн Стрэнгл (ағылшын. Cosmo Von Strаnglе) — Тиммидің сиқырлы қамқоршысы(ұл). Оның шашы мен көзінің түсі – жасыл. Космо сәл аңқау. Сол себептен, Тиммидің көптеген заңсыз тілектерін орындаған. Осы қылығы, әйелі Ванданың жынына тиеді. Космода жаңғақтарға аллергиясы бар. Атлантиданы 9 рет су астына жіберген және Космо туғаннан кейін перілерге 10 мың жыл ішінде бала тууға болмайды деген заң шығарған. Ол Юргенның кузены. Бірақ, екеуінің тектері әр түрлі. Космоны ещқашан «әлемдегі ең аңқау жан» деп айтпаған. Себебі, Космодан да аңқау, Тиммидің әкесі бар.
• Ванда Фон Стрэнгл (Фейривинкль) (ағылшын. Wanda Von Strаnglе (Fairywinkle)) — Тиммидің сиқырлы қорғаушысы(қыз). Оның шашы мен көзінің түсі – алқызыл. Ванда өте ақылды. Сиқырлы таяқшамен оңай жұмыс істейді. Тимми мен Космоның шаруаларын шешеді. Және де «Wand» деген сөзді ағылшын тілінен аударғанда – «сиқырлы таяқша» деген мағынаны білдіреді. Ванда қара шоколадты ұнатады. Ол сөйлеген кезде ақылды сөздер айтады. Сол кезде Космо мен Тимми ұйықтап қалады. Ванданың егіз-әпкесі Блонда және әкесі бар.  
• Эй-Джей (ағылшын. A.J.) — Эй-Джей өте ақылды бала және ол Тиммидің досы. Оны вундеркинд деп те айтуға болады. Эй-Джейдің шығу-тегі – Афро-Американдық. Егер мектепте одан басқа біреу бірінші орын алсы қатты ашуланады.
• Честер МакБэдбэт (ағылшын. Chester McBadbat) — Тиммидің жан досы. Әкесімен бірге жабық арбада тұрады. Оның анасы туралы ешкім ештеңке білмейді. Честердің әкесі үздік бейсболшы болғысы келеді. Бірақ, бәрі оны жек көреді. Бұны тағы да тегінен білуге болады. Себебі, «МакБэдбэт» сөзін аударғанда, сөзбе-сөз жаман сақа дегенді білдіреді. 
• Пуф Фон Стрэнгл (ағылшын. Poof Von Strаnglе) — Космо мен Ванданың ұлы. Пуф – Фейляндиядағы 10 мың жыл ішінде туған бірінші бала болды. Пуф өз әкесі Космоға қарағанда ақылдырақ. Оның сиқырын өзінің ойыншық сылдырмағы реттеп отырады. Пуфтың ең бірінші сөзі – Тимми болған. Оның денесі шар тәрізді. Пуфтың атын Тимми қойды. «Пуф» деген сөз арқылы Пуф тілектерді орындайды. Бастауыш сиқыршылар мектебінде ең ақылды және танымал бала.
• Мама Тернер (ағылшын. Mover Turner) — Тиммидің анасы және Мистер Тернердің әйелі. Жылжымайтын мүлікпен(үй, жер сияқты мүлік) айналысады. Бұрын агент болған. Орыс тілін біледі және бір сериясында оның шын аты Мама екенін білдік. туғанға дейін оның аты – Барнаби болды.
• Мистер Тернер (ағылшын. Mr. Turner) — аңқау кейіпкерлердің бірі. Бұл жағдайда, Космо – оның қарсыласы. Қарындаш өндіретін зауытта жұмыс істейді. Миссис Тернерға бала кезінен ғашық болды. Сосын университетте оны қайтадан кездестірді. Ол кезде Мистер Тернер сол жерде жинап тазалаушы болған. Және Мистер Тернер мектепті 5-ші сынып оқығанда бітірді. Себебі, Мэлвин деген бала оны мектепте өте құламалы деген. Бір сериясында аттестат алды.
• Юрген Фoн Стрэнгл (5-ші маусымда Джоргин, ал 6-шы маусымда Юрген) (ағылшын. Jorgen Von Strаnglе) — «Ғажайып-әлемнің» құрушысы және бастығы. Ол «Ғажайып әлемді» «Қышқыл шелек» деген ғаламшардың үстінде құрды. Юрген бұлшық еттері бар перінің бірі. Ол әлемге танымал Арнольд Шварценеггердің пародиясы деп те айтуға болады. Юрген – денелі және қатал періште. Ол Тиммиді, Космоны және Ванданы ұнатпайды. Абракатрас түрмесінің бастығы. Кейде өз әжесінің нан дүкенінде және зоодүкенінде жұмыс істейді. 
• Мама Космо (ағылшын. Mother Cosmo) — Космоның анасы. Фейляндиядағы ең ақылды дәрігер және өзінің жедел жәрдем көлігі бар. Оның шашының түсі – жасыл. Ванданы жақтырмайды.
• Тутти (ағылшын. Tootie) — Виккидің кіші сіңілісі және Тиммидің сыныптас қызы. Тутти Тиммиді қатты жақсы көреді. Тимми оны есі ауысқан, жынды қыз деп ойлайды. Фильмда Тутти Тиммиге үйленеді.
• Трикси Танг (ағылшын. Trixie Tang) — Тиммидің сыныптас қызы. Оны Тимми балабақшадан бастап ұнатады. Әрдайым Тимми Триксиға ұнағысы келіп, әр түрлі қылықтар жасайды. Бірақ, Трикси оған мән бермейді. Бір серияда Тиммиға ғашық болады. Трикси – ерке қыз. Ол үлкен үйде тұрады.
• Марк Чанг (ағылшын. Mark Chang) — басқа планеталық жан. Тиммимен бірге бір сыныпта оқиды. Өз ғаламшарында ханзада. Оның екі ағасы бар. Жер ғаламшарында өз келіншегінен қашып кеткеннен кейін тұрады. Өзінің ғарыштық кемесінде тұрады. Өзінің бейнесін сиқырлы белдік арқылы жасырады. Марк Виккиға ғашық және шоколадтан қатты қорқады. 
• Нарциссимо (Хуандиссимо) Магнифико (ағылшын. Juandissimo Magnifico) — Вандаға ғашық. Бірақ, өзіне көбірек ғашық. Өзін әдемі және денелі деп ойлайды. Әрдайым ақ түсті ішкөйлек(майка) киеді. Басында, Реми Буксаплентидің сиқырлы қорғаушысы болды. Бірақ, сосын Юрген оны «Ғажайып-әлемге» қайтарды.
• Чет Ю бетчи («Жоғалған болашақ» сериясының эпизодында) (ағылшын. Chet Ubetcher) — Димсдеил қаласының репортері. Өзін ең күшті репортер деп санайды. Және қарсыластықты ұнатпайды.
• Бинки Абдул (ағылшын. Binky Abdul) — Юргеннің жақын досы. Екеуі айырылмас достар. Бинки әр түрлі қайғыларға түскенде, Юрген әрдайым көмектеседі. Бинки ауырып қалғанда, Юрген оған тауық сорпасын әзірлеп берген. Бинки күлгін түсті сайқымазақ костюм және күлгін түсті қалпақ киеді. Басқа перілерге қарағанда, ол жалтыр бас және басының пішіні домалақ тәрізді. 
• Үлкен Әке Фейривинкль (ағылшын. Big Daddy Fairywinkle) — Ванданың әкесі. 34 жаста. Қоқыспен айналысатын жеке компаниясы бар. Космоны жақтырмайды. Мистер Нэй-Нэй деген аттың басына ұқсас жастығы бар. Бірақ, бір серияда ол жарылады. 
• Ванданың анасы Феервинкль (ағылшын. Wanda’s Mommy Fairywinkle) — 36 жаста. Шашының түсі – қоңыр, ал көзінің түсі – алқызыл. Ванда мен Гвилоның анасы. Үлкен Әкемен ажырасып кеткен. Есепші(бухталгер) болып жұмыс істейді. Балалары бөтен біреумен сөйлескенді ұнатпайды.
• Шносмо Фон Стрэнгл (ағылшын. Schnozmo Von Strаnglе) — Космоның ағасы. Өз атын ұзын мұрны үшін алды. Бір серияда оның ұры екені белгілі болады. Юргеннің жиені.
• Нана Бум-Бум Фон Стрэнгл (ағылшын. Nana Boom-Boom Von Strаnglе) — Юргеннің әжесі. Екеуінің түрлері бір-біріне ұқсайды. Әр түрлі тәтті нандардың рецептін біледі. "Космоның ережелері" сериясында Юргенға, Космо оның жиені екені туралы айтады. Сол серияда Нананың лото ойнауды ұнататыны белгілі болады.
• Рип Стадвел (ағылшын. Rip Studwell) — балалардың шаштаразшысы және "Ғажайып-әлемнің" дәрігері. Мультхикаяда төртке жуық рет болады. Ең бірінші рет "Сиқырлы бала. 1 бөлім" сериясында шықты. Космоның босануын қабылдады. "Жынды шаш" сериясында, Рип — ғажайып-шаштаразшы болды. Бірақ, Пуфтың бір тал шашын қия алмады. Себебі, Пуф өз сиқырын, ойыншық сияқты қолданды. Көптеген талпыныстардан кейін, Ванда әйтеуір дегенде, Пуфтың шашын қиды. "Тауық түшкіруі" сериясында кішкентай перілерді емдейді.

Жағымсыз кейіпкерлер

• Викки (ағылшын. Vicky) — Тиммидің бөлесі. Мультсериалдағы ең жағымсыз жасөспірім. Ол 16 жаста. Викки – өте арам. Ең жақсы көретін ісі – теледидар көру. Бірақ, бұл істі жасау үшін оған Тимми кедергі жасайды. Өйткені, Викки Тиммиға қарау керек. Егер Космо мен Ванда болмаса, Виккидің өмірі ғажайып болушы еді. Викки Марк Чангті жақсы көреді.Үшінші және алтыншы маусымдарда қатеден Виккиді Тиммидің әпкесі деп айтқан. 
• Дензел Крокер (ағылшын. Denzel Crocker) — бесінші сыныптың мұғалімі. Ол екі деген бағаны қойғанды жақсы көреді. Әсіресе, Тимми Тернерға. Крокер, басқа үлкен адамдарға қарағанда ерекшеленеді. Өйткені, ол сиқырлы қамқоршыларға сеніп, оларды ұстағысы келеді. «Ірімшік Крокер» сериясында бірнеше уақытқа Космо, Ванда және Пуфты ұстап, олардың сиқырын қолданады. Олар арқылы Дензел өзінің тілектерін орындайды. Сол тілектерінің бірі – Тимми Тернерді жою. Айрықша ерекшелігі – құлағы мойында орналасқан(сол үшін көптеген кейіркерлер мазақтайды). Және тағы «Сиқырлы қамқоршылар» деп айқайлап, дірілдейді. «Крокер – шокер» сериясында психиологиялық ауруханаға түседі. Крокер анасымен бірге тұрады. Дензелға Чинцинати қаласына баруға тиым салынған. Бұл кейіпкердің дауысын – Карлос Алазраки сомдады.
• Фрэнсис (ағылшын. Francis) — мектептің жаман оқушысы. Ол бүкіл бастауыш сыныптың балаларына тиіседі. Көбінесе, Тимми Тернерге. Фрэнсис өзінің арманы орындалмағаннан кейін, жаман бала болып кетті. Арманы – үздік балет бишісі болу болған.
• Анти Космо (ағылшын. (Anti Kocmo) — Космоның жаман қарама-қарсы кейіпкері. Анти Ғажайып-әлемнің басқарушысы. Ол өте қатыгез, мейіріміз, ақылды және қылмыстың көшбасшысы. Бір көзіне монокль тағады. Космоға қарағанда, британдық екпінмен(акцент) сөйлейді. 
• Анти Ванда (ағылшын. Anti Wanda) — Ванданың жаман қарама-қарсы кейіпкері. Анти Космоның әйелі және Фуптың анасы. Анти Ванда – ақылсыз және Вандаға қарағанда, оның тістері қисық.
• Фуп (ағылшын. Foop) — Пуфтың анти егізі. «Анти – Пуф» сериясында пайда болды. Ата-анасы: Анти Ванда және Анти Космо. Туа салысып, Фупты Пуф қызықтырды. Содан кейін ол Пуфты жою керек туралы ойлады. Фуп Пуфқа қарағанда ерекшеленеді. Мысалы, оның денесі шар емес, куб тәрізді және француз акценті бар. Фуп оған біреу көмектессе, жыны тиеді. Кейбір кезде Фупта тұлғасы екі жүзді болады. Болашақта өз сиқырынана айырылып, психикалық ауруханаға жатады.
• Анти Юрген (ағылшын. Anti Jorgen) — Юргеннің анти егізі. «Анти Пуф» сериясында шықты. Ол басқа анти періштелер сияқты көк түсті. Юргенге қарағанда, ол денелі емес және перілер сияқты кішкентай. Анти Юрген балеринаның киімін киіп, макарон ұстап жүреді.

Супербатырлар

• Таңқурай Чин — Чинцинати қаласының батыры.
• Златовласка — Чинцинати қаласының батыр қызы.
• Котмэн  — Бэтменнің пародиясы.

Шығу тарихы

Бұл мультхикаяның продюсері мен авторы – Бутч Хартман. Басында ол бұл мультхикаяны 7 минуттық видеолар қылып жасаған. Сосын «Nickelodeon» каналы Бутч Хартманмен бірге келісім шартқа тұрды. Мультхикаяның бірінші көрінісі 2001 жылдың 30 маусымында болды. 

Эпизодтар

Маусым	Эпизодтар саны	Эфирге шыққан кезі	Эфирден кеткен кезі
Қысқалары	10	4 қыркүйек, 1998	23 наурыз, 2001
1	7	30 наурыз, 2001	9 желтоқсан, 2001
2	13	1 наурыз, 2002	20 қаңтар, 2003
3	20	8 қараша, 2002	21 қараша, 2003
4	20	10 қыркүйек, 2003	10 маусым, 2005
5	20	2 шілде, 2004	7 шілде, 2007
6	20	18 ақпан, 2008	12 тамыз, 2009
7	20	6 шілде, 2009	5 тамыз, 2012
8	6	12 ақпан, 2011	29 желтоқсан, 2011
9	26	23 наурыз, 2013	28 наурыз, 2015

Кейіпкерлердің дауысын сомдағандар

• Тимми мен Пуф - Тара Стронг.
• Космо мен Мистер Тернер - Даран Норрис.
• Ванда мен Мама Тернер - Сюзан Блакесли.
• Спарки - Мэтью Уильям.
• Викки - Грей Делисл.
• Дензел Крокер - Карлос Алазракуи.

Сілтемелер

• Сиқырлы қамқоршылар (ағыл.) Internet Movie Database сайтында

Ортаққорда бұған қатысты медиа файлдар бар: Category:The Fairly OddParents