Станнин

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Stannite 01549.jpg

Станнин (лат. stannum – қалайы), қалайы колчеданы, қоңыраулы кентас – сульфидтер класының минералы. Химикалық формуласы: Cu2FeSnS4, құрамында 29,58% Cu, 12,99% Fe, 27,5% Sn және 29,8% S бар. Қоспалары: Zn, Sb, Cd, Pb, Ag, Қn. Түр өзгерістері: клстерит (құрамында мырышы көп) және сакураиит (индийі көп). Тетрагондық сингонияда кристалданып, куб, тетраэдр, қоспақ тәрізді кристалдар түзеді. Агрегаттары бұрыс пішінді түйірлі масса түрінде болады. Түсі болаттай сұр, жасыл реңді, тотыққанда қараяды. Қатт. 3 – 4,5, тығызд. 4,3 – 4,5 г/см3, морт, электр тогын жақсы өткізеді. Станнин пегматиттерде, қалайының, вольфрамның, полиметалдардың жоғары темп-ралы кендерінде касстерит, вольфрамит, сфалерит, халькопирит, пирротин, галенит, солғын кентастар, т.б. минералдармен бірге кездеседі. Боливияның (Потоси, Аточа, Оруро, Льяльягуа), Шығыс Байкал сыртының кендерінен табылды. Станниннен қалайы өндіріледі.[1]

Пайдаланған сілтеме[өңдеу]

  1. Қазақ энциклопедиясы