Сулавеси

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Gulf of Tomini's map.PNG

Сулавеси (Sulawesі), Целебесс (Celebes) – Малайя топаралы, Үлкен Зонд аралдар тобының шығысындағы арал; Индонезия құрамында.

Ауданы 179,4 мың км2 (маңындағы ұсақ аралдармен қоса 189 мың км2). Арал орталығы бөлігінен жан-жаққа қарай 4 ұзын түбекке тілімделген; түбектер арасын Томини, Боне, Толо терең шығанақтары бөліп тұрады. Жер бедері тік беткейлі, төбесі тегіс жоталардан тұрады; ең биік жері Рантекомбола тауы (3455 м). Әрекетті жанартаулары: Клабат (1995 м), Сопутан (1661 м). Климаты экваторлық, орташа айлық темп-расы 25 – 27С. Жылдық жауын-шашын мөлшесі солтүстігінде 2000 мм, оңтүстігінде 4000 мм. Ылғал аздау бөліктерінде биік шөптері басым өскен саванна, 1500 м биіктікке дейін ылғалды экваторлық ормандар (пальма, сандал, тик, лианалар, бамбук, т.б. өседі), одан жоғарыда жалпақ және қылқан жапырақты ормандар таралған. Жануарлардан үнді-малайялық өкілдер басым: бабирусса, аноа, айдарлы макака, австралиялық түрлерден жұмақ құсы, какаду, балсорғыш құстар, т.б. кездеседі. Темір, никель, алтын, күміс, мыс, қорғасын, қалайы, көмір, мұнай кен орындары бар. Кокос пальмасы, кофе, қант құрағы, күріш, темекі, мақта, каучук ағашы өсіріледі. Негізгі порттары: Уджунгпанданг (Макасар), Манадо.[1]

Дереккөздер[өңдеу]

  1. Қазақ энциклопедиясы 8 том