Сымбат сән академиясы

Уикипедия — ашық энциклопедиясынан алынған мәлімет
Навигацияға өту Іздеуге өту

“Сымбат” сән академиясы – жеңіл өнеркәсіп орны, бірыңғай шығармашылық және өнеркәсіптік ұйым[1].

Жыл Оқиға
1947 ж. тігін зертханасы негізінде құрылған
1988 жылдан киім-кешек, аяқ киім және тоқыма бұйымдардың республикалық сән үйлері негізінде “Сымбат” сән және киім-кешек мәдениетін дамыту орталығы болып құрылды
1992 жылдан бұл орталық “Сымбат” сән академиясы болып қайта құрылып, АҚ-ға айналды
1987 ж. “Сымбат” сән театры құрылды
1996 ж. академияның жанынан сәнгер-құрастырушы шығармалық мамандар даярлайтын “Жоғары сән“ колледжі ашылды
1998 ж. “Сымбат” сән бизнесі университеті ашылып, онда дизайнерлер, құрастырушылар, тігулі бұйымдар технологтары, маркетологтар даярлана бастады

Кәсіпорынның құрамындағы ғылыми-өндірістік бірлестіктер бар: дизайнерлік-құрастырымдық және ғылыми-зерттеу әзірленімі, тігін, аяқ киім, тоқыма өндірісі, “Жоғары сән” салоны, сауда үйі, сауда және сән галереясы, “Сымбат” сән журналының редакциясы, сән театры, сән көрмесі. Академия қызметінің негізгі түрлері: жаңа үлгілер әзірлеу, рынокқа жоғары сапалы тауарлар – киім-кешектің, тоқыманың, аяқ киімнің барлық түрлерін шығару. Жыл сайын олардың 2 мыңнан астам түрлерін рынокқа шығарады. Кәсіпорын өнімділігі жоғары автоматтандырылған технологиялық жабдықтармен жарақтандырылған. “Қаратау”, “Отырар”, “Гауїар”, “Алатау”, “Той”, “Алтын шұға”, “Астана” сияқты аса сәнді ұлттық киім үлгілерінің көрсетілімі жұртшылық тарапынан жоғары бағаланды. Сән театры ұлттық нақыштағы сәнді киім-кешек үлгілерін алыс-жақын шетелдерге көрсетіп тұрады.

«Сымбат» сән академиясы – қазақстандық және әлемдік жоғарғы деңгейдегі сән арасындағы көпір іспеттес болған, қазақтың ұлттық киімін соны туындылары арқылы төрткүл дүниеге паш етіп жүрген бірден бір холдинг болып саналады. Ол өзінің өнімдерін безендіретін Шығыстық, сондай-ақ қазақы нақыштағы ою-өрнектерімен Ресей, Еуропа және т.б. сәнгерлерін таңқалдырып, өзіндік бет-бейне қалыптастыра білді.

Тарихы[өңдеу | қайнарын өңдеу]

Қазақстан сән индустриясының негізін қалаушы «Сымбат» сән академиясы 1947 жылы тігін зертханасы негізінде құрылған [2]. Осы кезеңнен бастап компания өндіре бастаған prêt-â-porter өніміне бүкіл ел жұртшылығы қызығушылық танытты.

Бастапқыда «Республикалық киім, аяқ-киім және трикотаж үйі» аталған ол бүгінде бүкіл әлемге танымал холдингке айналған. «Сымбаттың» құрылуы республикадағы тұңғыш сән журналының және сән театрының ашылуына жол ашты. «Сымбат» сән журналы 1958 жылдан бастап жарық көре бастады. Ал 1987 жылы Қазақстанда тұңғыш сән театрының негізі қаланды.

1972 жылы Қазақстан мамандарының қолымен жасалған сән алғаш рет шетел асты. Бұл жылы академия тарихында оның киім топтамалары өзге мемлекеттердің сән майталмандарының сарабына салынып, сынға түсті.

Топтамалар көрсетілімі 1972 жылы Болгарияда, 1974 жылы Лейпцигте, 1975 жылы Италияда өткен халықаралық сән фестивальдерінде өтті. Ал 1988 жылы «Сымбат» сән үйі Чехословакияда өткен ұлттық нақыштағы киім топтамалары фестивалінің бірінші көрсетілімінде «Золотая Лента» бас жүлдесіне ие болды.

35 жылдың ішінде сән академиясы әлемдік деңгейде өткен 40-тан астам халықаралық сән фестивальдерінде өз көрсетілімдерін ұсынып, 30-дан астам мемлекеттің сән байқауларына қатысқан. 2000 жылы «Сымбат» «Бірінші халықаралық «Ұлттық костюмнің жоғарғы деңгейдегі сән үлгісі» байқауын» (первый Международный конкурс «Высокой моды современного национального костюма») ұйымдастырды.

Ол Сібірде, Мәскеуде, Дубайда, Вашингтонда өтіп тұратын сән апталықтарының тұрақты қатысушысы. «Сымбат» ұлттық киім үлгілерін заманауи сән талаптарына сәйкестендіре отырып, соны, ерекше, айрықша киім дизайндарын жасаумен айналысады. Сондай-ақ академияның сән мамандары Қазақстан Республикасының мемлекеттік туының эталоны мен ҚР Президенті Н.Назарбаевтің штандартын жасап шығарған. 2007 жылы «Сымбат» сән үйі өзінің 60-жылдық мерейтойын атап өтті.

Танымалдығы[өңдеу | қайнарын өңдеу]

Компанияның «pret-a-porter» және «haute couture» топтамаларының көрсетілімі халықаралық подиумдарда жылына екі мәрте өткізіліп тұрады. Бренд пайда болғалы бері оның сән үлгілерінің саны 150 000-нан асты. Сән үйі жыл сайын өз киім үлгілерін Қазақстанда 20-ға жуық, ал шетелдерде 10-ға тарта көрсетілімдері арқылы көпшілікке ұсынып келеді.

Қазақстандағы ірі шетел фирмалары үшін арнайы киім дизайнын жасап шығаратын алғашқы және жалғыз компания болып саналады. Мәселен, «Must industries» (АҚШ, Нью-Йорк) секілді танымал компаниялар үшін аты әлемге әйгілі «Chico’s», «White and black», «Victoria secrets» атты сауда маркаларымен киім үлгілерінің айрықша дизайнін жасап шығарады.

2003 жылы Мәскеуде өткен кәсіби fashion – сән апталығында (Moscow fashion week) үздік киім топтамаларын ұсынды. Ресейден басқа да Дубайдағы (DIFW), 2007 жылы Вашингтондағы (DC Fashion week) және Сібірдегі сән апталықтарына (SFW) қатысып, елге үлкен сыймен оралып отырды.

«Сымбат» тек Қазақстанның және КСРО-ның үкімет мүшелері үшін ғана емес, сонымен қатар Ұлыбритания, Ресей, АҚШ, Корей мемлекеттерінің бірқатар үкімет басшылары үшін де сыйлықтық бұйымдар дайындады. 2006 жылы әйгілі голливудтық актер және продюсер Стивен Сигал Академиядағы арнайы «Сымбат» VIP салонында» ұсынылған 2007 жылғы көктем-жаз топтамасынан өзінің өмірлік серігі үшін бұйымдар алған болатын.

Сән апталықтарына қатысуы[өңдеу | қайнарын өңдеу]

  • Сібір сән апталығы – Siberian Fashion Week (2007 жылдың 11қарашасы)
  • Вашингтон сән апталығы – DC Fashion Week (2007 жылдың 23-30 қыркүйегі)
  • Дубай сән апталығы – Dubai International Fashion Week (2007 жылдың 1-4 сәуірі)
  • Мәскеу сән апталығы – Moscow Fashion Week (23-29 наурыз, 2007 жыл)

Құрылымы[өңдеу | қайнарын өңдеу]

Бүгін «Сымбат» сән Академиясы – бұл мінсіз холдинг. Оның құрылымы мынадай:

  1. VIP – сән салоны
  2. Тігін - тоқыма, аяқ киімі өндірісі
  3. Сән театры
  • Сән мұражайы
  • Модель агенттігі
  • Сәнпаздар мектебі
  1. Сауда кешені
  • Сауда үйі
  • Сауда галереясы
  • Биллиард залы
  • Бизнес орталығы
  1. Оқу мекемесі
  • «Сымбат» сән бизнесі Академиясы (бакалавриат, магистратура)
  • «Сымбат» колледжі (орта кәсіптік білім)
  • Дайындық курстары
  • Білім беру курстары

Президенті[өңдеу | қайнарын өңдеу]

«Сымбат» сән академиясының президенті – Асанова Сабыркүл Жайлаубекқызы. Ол – экономика ғылымдарының кандидаты, өнертану доценті, техника ғылымдарының докторы, ҚР Ұлттық Инженерлік Академияның және Халықаралық Инженерлік Академияның академигі, «Халықтар достығы» орденінің кавалері, «Еңбек ардагері» медалінің иегері, «ҚР инженерлік ісінің дамуына қосқан ерекше үлесі үшін» 2007 жылы «Қазақстанның еңбек сіңірген қайраткері» атағына ие болды.

Сабыркүл Асанова – ұлттық киімнің қыр-сырын зерттеу бойынша көптеген ғылыми еңбектердің авторы. «Сымбаттың» басты ерекшелігі де осында жатыр: ұлттық калоритімізді сақтай отырып, оны әлемдік сәнмен үйлестіре орындау. «Бүгінгі күні Шығыстық нақыштағы киім үлгілері әлемде өте сәнді саналады. Сондықтан бүгінде сән әлеміне еніп жатқан бүкіл соны жаңалықтар, идеялар Шығыстан туындауда. Еуропада біздегідей тың ойлар қазір өте аз екендігі байқалады"- деген пікірде компания президенті. Оның сөзінше «Сымбаттың» өмір сүру кезеңіндегі 60 жыл ішінде 15 мыңға тарта эксклюзивті киім үлгілері назарға ұсынылып үлгеріпті.

Сән театры[өңдеу | қайнарын өңдеу]

«Сымбат» сән театрының негізі 1987 жылы салынған. Сән театры көптеген шетел сән жәрмеңкелерінe қатысқан. Ол киім өнімдері топтамасының театрланған шоу-көрсетілімін таныстыру рәсімдерінде, қалалық және республикалық іс-шараларда жүзеге асырады. «Сымбат» сән театры Қазақстанның атынан 30-дан астам елде өз топтамаларын көрсетіп келеді.Франция, Германия, Англия, Италия, Канада, Корея Республикасы, Ресей және т.б. елдерде ол айтарлықтай танымал. Онда қазақ халқының ұлттық бет-бейнесі мен болмыс-бітімі секілді өзіндік ерекшеліктері мен мәдениеті негізге алына отырып жасалынған ұлттық ою-өрнекпен өрнектелген 700-ге жуық киім үлгілері жинақталған.

Сыйлықтары мен алғысхаттары[өңдеу | қайнарын өңдеу]

1997 жылдан бастап сән жасаудағы сапа мен шығармашылық жетістігі үшін, сондай-ақ сән әлеміне енгізген жаңа технологиялары үшін «Сымбат» Германияның, Францияның, Испанияның, Ресейдің және Қазақстанның 10-нан аса халықаралық сыйлықтарына ие болды [3]. Сондай-ақ оның көптеген алғысхаттары бар.

«Сымбат» сән Академиясының соңғы қызметінің он жыл ішіндегі халықаралық сыйлықтары, дипломдары,сертификаттары,алғыс хаттары:

  1. Kazakhstan SYMBAT presented to with our sincere Appreciation for Your Outstanding Contribution to the USSR Trade and Cultural Exhibition at Edmonton Northlands. Edmonton, Alberta,Canada шілде, 1990.
  2. 1990 жылдың қорытындысы бойынша Ленин ауданының арасында социалистік жарыстардағы жақсы жетістігінің көрсетілімі үшін Сән Орталығы мақтау қағазымен марапатталады. Қазақстан Компартияның Ленин аудандық комитетінің бірінші хатшысы С.Нукенов, Алматы қаласы, 1991ж.
  3. Куәлік «Сымбат» Сән Академиясына Ұлы ақын, кемеңгер ойшыл, данышпан ғұлама Абай Құнанбаевтың ЮНЕСКО дәрежесінде өткен 150 жылдық мерейтойында республикалық мерекелік концертке қатысқаны үшін беріледі. Мерейтойдың республкалық Комиссиясының Төрағасы, ҚР Премьер-министрі Әкежан Қажыгелдин Алматы, тамыз 1995ж.
  4. «Сымбат» сән Академиясы ұлттық өнерінің дамуындағы «Сезон Востока» Халықаралық сән фестиваліне қосқан үлесі – Дипломы. Оргкомитетінің фестивалінің төрағасы С.А. Назарбаева 1995ж.
  5. Халықаралық конференцияға арналған Әл-Фараби атындағы Қазақ Ұлттық Университетінің оқытушы-профессорлық құрамы, аспиранттар мен қызметкерлер арасындағы алғашқы әйелдер спартакиадасының қонағы, спартакиада демеушісі «Сымбат» сән Академиясының Президенті С.Ж.Асановаға - Диплом Әл-Фараби атындағы ҚазМУ әйелдер Одағының төрайымы Багизбаева М.М., Алматы қаласы, сәуір 1996ж.
  6. Шейпинг Чемпионатына қатысқаны үшін «Сымбат» сән бизнесі Академиясына Диплом. Білім және мәдениет Министрлігі, Туризм және спорт Департаменті, Алматы қаласы, 3-4.10.1997г.
  7. Certificate Akademia Mody “SYMBAT” Almati a participant of the international programme “Partnership for the sake of progress” in awarded with the Prize Golden Eagle 26 шілде 1997
  8. Certificate Akademia Mody “SYMBAT” a participant of the international programme “Partnership for the sake of progress” in awarded with the Prize Grand Cliché D’ OR 97 02 желтоқсан 1997 The president Editorial Ofice certifies that the firm SYMBAT FASHION ACADEMY Private Open Joint Stock Company has been elected to receive the XVIII International Award For Technology and quality -1997. Editorial Ofice Frankfurt (Germany), 26 мамыр 1997.
  9. «VII Халықаралық Қарқара-98 көрме-жәрмеңкесіне» қатысқан «Сымбат» сән бизнесі Академиясы құрмет грамотасымен марапатталды. Атакент АҚ Президенті Б.Исаков, Алматы қаласы, 1998
  10. Diploma this is to certify that company “Symbat” Almaty, Kazakhstan has exhibited products at the Kvinnor Kan Fair in Norkopping, Sweden during 14-17 мамыр 1998.
  11. «Сымбат» сән бизнесі Академиясы Қазақстан Республикасының 2000 жылғы мінсіз кәсіпорын болып сертификатталды. АПББ президенті С.Шамсутдинова, 2000 ж.
  12. «Сымбат» сән Академиясы жоғарғы сапа өнім өндірісі үшін құрмет қағазымен марапатталды. «Миллениум – Патидің ресми қамтамасыз етуші» аты тағайындалып, «Тігін өнімдері компаниясының естелік медалі ұсынылды. ҚР энергетика ,индустрия және сауда Министрлігі В.Школьник, «Миллениум- Қазақстан» қоғамдық қорының Президенті Ж.Елубаева. 2000ж.
  13. Халықаралық мәдениеттің Жібек жолы фестиваліне қатысқаны үшін «Сымбат» сән Академиясы Мастер Класс Дипломымен марапатталды. «Мастер-класс» мәдениетінің қолдауымен халықаралық қорының төрағасы (Санкт-Петербург) Т.Г.Семенова, «Мастер-класс Қазақстан» Халықаралық өнер фестивалінің директоры В.А.Филатов, Алматы қаласы, 2000 жылдың 8-15 қазаны.
  14. Certificate to Academy of Fashion Symbat in recognition of outstanding commitment to Quality and Excellence, which merits the International Gold Star for Quality in the realm of Customer Satisfaction, Leadership, Innovation and Technology as established in the CC100 TQM model. Business Initiative Directions Paris, мамыр 7, 2001
  15. «Алматы қаласында өндірілген» атты көрмеде Алматы қаласының өндірістік потенциалының дамуы үшін «Сымбат» сән Академиясы дипломмен марапатталды. Алматы қаласының әкімі В.Храпунов 2001 ж.
  16. Диплом. “Сымбат” сән Академиясы “Қазақстанның белгісі” атты Республикалық көрменің Лауреаты атанып ұлттық бұйымдар өніміне берілетіналтын белгіні иеленді. ҚР Экономика және сауда Вице-министрі М. Мұртазаев, Астана қ. Әкімі орынбасары Н. Нигматулин, “Астана Даму” ЖШС Бас директоры Е. Бережная, Астана қ., 2001
  17. Алғыс хат. ХІІ Халықаралық “Азия Даусы” Фестивалі. Халықаралық “Азия даусы” «Азия дауысының» Халықаралық Фестивалінің Бас директоры М. Иргалиев. 29. 08. 2001 ж.
  18. Алғыс хат. Қазақстан Республикасы Егемендігінің 10 жылдығын атап өтуде “Сымбат” сән Академиясы еңбек адамының әлеуметтік – экономикалық құқығын қорғауда, әлеуметтік серіктестікті дамытуда “Республика мерейтойына – кәсіподақтардың ерен еңбегі” Республикалық қозғалысына қатысқаны үшін Алғыс хатпен марапатталады. Кәсіподақ Федерациясының Төрағасы С. О. Мұқашев. Астана қ., желтоқсан 2001 ж.
  19. ІІІ Дәрежелі (құрмет) дипломымен “Сымбат” сән Академиясы 2002 жылдың желтоқсанындағы № 01 конкурстық шешіміне орай. Жоғарғы сапалы өнімі үшін “Сымбат” сән Академиясы ІІІ дәрежелі құрмет дипломымен марапатталады. Алматы қаласының әкімі В. Храпунов
  20. 8 наурыз әйелдер күніне байланысты дипломатиялық корпуста кездесу кешіне белсене араласқаны үшін “Сымбат” сән Академиясы дипломымен марапатталады. Алматы, 5 наурыз 2004 ж.
  21. "Ұлар Үміт" зейнетақы жинақ қоры 7-жылдық мерейтойына арнап «Сымбат» сән бизнесі академиясын зейнетақы қорының дамуына үлкен үлес қосып, көмек көрсеткені үшін мақтау қағазымен марапаттады. «Ұлар Үміт» зейнетақы жинақ қорының президенті С.Елшібеков. Алматы қаласы, 26 қараша 2007 жыл.
  22. «Сымбат» сән академиясы «Балалар әлемі-2005» балаларға арналған тауарлардың халықаралық көрмесіне қатысқаны үшін диплом берілді.ҚАЗЭКСПО халықаралық көрме компаниясы президенті М.Молдағалиева, Алматы қаласы, 7-10 қыркүйек,2005 жыл.
  23. Алматы қаласының әкімі «Сымбат» сән академиясына 2006 жылы қаланың қоғамдық өміріне белсенді араласқаны үшін алғыс хат берді.Қала әкімініңбірінші орынбасары К.Бүкенов, Алматы қаласының әкімшілігі, 2006 жыл.
  24. «Алматы Бренді-2006» Қазақстан көрмесіне белсенді түрде қатысқаны үшін «Сымбат» сән Академиясы марапатталады.Алматы қ.. Кәсіпкерлік пен өнеркәсіп Департаментінің директоры Е.А.Шорманов, «ҚазЭкспоСервис» бас директоры М.А.Шаймерденов,29 қыркүйек- 1 қазан 2006 ж.Куәлік «Сымбат» сән Академиясы 2006 жылғы Бизнестегі үздік кәсіпорындар. Ассоциациясының президенті Ю.С.Савченко. Алматы қ., 2006ж.
  25. Certificate of Registration Fashion Academy “Symbat” the above licensee has been assessed and registered by as having the capability to control the quality of goods or services provided in accordance with the conditions of the License Agreement at or from the addresses shown above, under a quality management system complying with the requirements of: ISO 9001: 2000 The registration covers the design and manufacturing of clothing. TQCS International Pty Ltd 10.07.2007
  26. Мақтау қағазы «Сымбат» сән Академиясы «Алтын Сапа» аймақтық байқау- көрмеге белсенді қатысқаны үшін.Алматы қаласының әкімі И. Тасмағанбетов, Алматы 2007ж.
  27. Алғыс хат, Жаңа жылдық мерекені өткізуге көрсеткен жәрдемі үшін «Анашым» жасөспірім – көз жанарынан мүгедек балаларды қолдау қоры. Қор Президенті Юсупова
  28. Құрмет грамотасы «Сымбат» сән Академиясы өнім сапасына қызмет көрсетуді және өндірісті ұйымдастырудағы байқауға қатысқаны және жеткен жетістіктері үшін марапатталады. Алматы қаласының әкімі В.Храпунов, Алматы қ, 2005ж.
  29. Диплом «Сымбат» сән Академиясы «Қазақстан маркасы 2007» Республикалық байқау-көрмеге «Нұр-Отан» - бәсекеге қабілетті Қазақстан үшін» атты жүргізілген акция аясында. «Нұр-Отан» ХДП Төрағасы м.а. Б.Жұмағұлов, Алматы, 19 мамыр 2007ж.
  30. Алғыс. ЖШС «Манас Проект» және ТО Адем әкімшілігімен жемісті қарым-қатынас үшін «Сымбат» сән Академиясына алғыс жолдайды.Бас директоры Жолмухамедов И.М.

60-жылдық мерейтойы[өңдеу | қайнарын өңдеу]

2007 жылы «Сымбат» сән академиясының құрылғанына 60 жыл толды. Осыған байланысты сән үйі «Creative World» халықаралық дизайнерлер конкурсын ұйымдастырған болатын. Оған Өзбекстан, Ресей, Қырғызстан мен Қазақстаннан 135 автор өз топтамаларымен көрсетті. Әділ қазылар алқасына академияны мерейтоймен құттықтау үшін арнайы келген Вячеслав Зайцев басшылық етті. Гала-көрсетілімінде «Сымбат» сән үйін Қазақстан эстрада жұлдыздары құттықтады. Сондай-ақ Балнур Асанова мен Птицина Алла Петровнаның заманауи ұлттық киім топтамасының көрсетілімі өтті.

Мәскеу Сән Үйінің президенті Вячеслав Зайцев «Сымбат» сән академиясы жайлы өз пікірін білдірді: «Кезінде жай ғана тігін лабораториясы болып кейіннен алып сән үйіне айналған «Сымбат» секілді «империялар» саусақпен санарлық. «Сымбат» мамандарының қолынан шыққан сапалы әрі сауатты өнімдерді жасау өті күрделі іс. «Сымбат» сән апталығындағы ең сүйікті фирмаларымның бірі».

Дереккөздер[өңдеу | қайнарын өңдеу]

  1. Қазақ Энциклопедиясы|"Қазақ Энциклопедиясы",8 том
  2. http://ru.wikipedia.org/wiki/%D0%A1%D1%8B%D0%BC%D0%B1%D0%B0%D1%82_(%D0%B0%D0%BA%D0%B0%D0%B4%D0%B5%D0%BC%D0%B8%D1%8F_%D0%BC%D0%BE%D0%B4%D1%8B)
  3. http://www.symbat.kz/page.php Мұрағатталған 11 қарашаның 2011 жылы.