Сюрикэн

Уикипедия — ашық энциклопедиясынан алынған мәлімет
Навигацияға өту Іздеуге өту
Жұлдызша пішінінде жасалған сюрикэн

Сюрикэн қаруы — (жапон. 手裏剣 "қолға жасырынған ұстара" деген мағынаны білдіреді) - жасырын тағуға арналған жапондық лақтыратын қару.

Қызықты деректер[өңдеу | қайнарын өңдеу]

  • "Сюрикэн" жұлдызша, ине, шеге, тиын, т.б. түрінде жасалған жүзі бар, көлемі шағын қару.
  • Ежелгі Жапонияда тыйым салынбағандықтан "Сюрикэнді" белдіктің астына тағып жүретін болған. Ниндзюцулар іс жүзінде "Сюрикэнді" 8-10 данамен ұстап жүретін. Оны мақта-мата кездемесіне орап, киімнің қалтасына салып қоятын. Кейде оларды шашқа арналған түйреуіш тәрізді етіп тағып алатын.
  • Жапон жауынгері үшін "Сюрикэн" екінші есептегі қару болатын. Оны катана қылышына немесе яри найзасына қосымша ретінде ұстайтын. Бірақ, ұрыста көбіне сюрикэнді пайдалану арқылы қарсыласынан басым түсетін.
  • "Сюрикэн-дзюцу" деп аталатын қаруды игеру өнері екінші қатардағы машық ретінде Ягю Рю, Катори Синто Рю, Итто Рю, Кукисин Рю, Тогакурэ Рю сияқты, т.б. көптеген әйгілі мектептерде оқытылды.
  • "Сюрикэннің" сыртқы түріне қарап жапондардың мистикалық құбылыстарға әуестігін байқауға болады.
  • Батыс Еуропа халқы "Сюрикэнді" көбіне лақтыратын жұлдыз деп атайды.
  • Заманауи "Сюрикэндер" құрыштан соғылады.[1]

Дереккөздер[өңдеу | қайнарын өңдеу]

  1. Қару-жарақтар. - Алматы: "Аруна" баспасы. - 208 бет. - Сер.: "1100 қызықты деректер" ISBN 978-9965-26-590-7