Сәрсенбай Иғалиұлы Мұрынов

Сәрсенбай Иғалиұлы Мұрынов 1960 жылы 24 ақпанда Гурьев облысы Қосшағыл кентінде туған. Қазақ.

• Әкесі - Мұрынов Иғали, Қосшағыл мұнай айдау стансасында сорап қондырғыларының машинисі болып жұмыс істеген. Анасы - Мұрынова Жұмаш.
• И.М. Губкин атындағы Мәскеу мұнай және газ институтының мұнай мен газды құбыр арқылы тасымалдау факультетін (1986) «Мұнай құбырларын, газ қоймаларын және мұнай базаларын жобалау және пайдалану» мамандығы бойынша бітірген. Техника ғылымдарының кандидаты (2005).
• 1977-1979 жылдары - «ҚазКСР 50 жылдығы атындағы Прорванефть» МГӨБ ұңғымаларды зерттеуші оператор, 1986 жылдан - технологиялық жабдықтарды жөндеуші слесарь. 1987 жылдан - «Теңізмұнайгаз» ӨБ Теңіз газ өңдеу зауытының шебері, механигі. 1989 жылдан - Құлсары мұнай құбырлары басқармасының желілік өндірістік-диспетчерлік қызметінің аға инженері, бастығы, өндірістік-техникалық бөлімінің бастығы, «Оңтүстік мұнай құбыры» ӨБ пайдалану бөлімінің бас маманы, Маңғыстау мұнай құбыры басқармасының бастығы, «Қазақ мұнай құбыры» ҰК Ақтау филиалының директоры, «ҚазТрансОйл» МТҰК техникалық директоры. 1997 жылдың қазан айынан - «Қаражанбасмұнай» АҚ менеджері. 1999 жылдың шілдесінен - Орал мұнай құбыры басқармасының бастығы, 2003 жылдан - «ҚазТрансОйл» АҚ бас дирекгорының бірінші орынбасары. 2004 жылдан бері - «КҚК» Шығыс аймағының менеджері. «Қазақстан Республикасыныңтәуелсіздігіне 10 жыл» медалімен, «ҚазТрансОйл» ЖАҚ Құрмет грамотасымен марапатталған.